حالىق اراسىندا «شاحتەرلەر كۇنى» دەگەن اتپەن ءمالىم مەرەكە العاش رەت 1948 جىلدىڭ 29 تامىزىندا وتكەن بولاتىن. مەرەكە تاۋەلسىز قازاقستاندا كاسىبي مەرەكەلەر تىزبەسىنە 2003 جىلعى قاراشادا ەنگىزىلدى. ءسويتىپ وسىمەن 72-ءشى رەت اتالىپ ءوتتى.
شاحتەر ماماندىعى اۋىر جانە قاۋىپتى كاسىپ تۇرىنە جاتادى. وندىرىستە بولاتىن توتەنشە وقيعالار سالدارىنان قانشاما كەنشى قازا تاۋىپ نەمەسە ءتۇرلى جاراقاتتارعا ۇشىراپ جاتادى. جيىن باستالار الدىندا جينالعاندار وندىرىستە قازا تاپقان كەنشىلەردى ءبىر ءسات ءۇنسىز تۇرىپ ەسكە الدى.
جينالعانداردى جانە سالانىڭ بارشا قىزمەتكەرلەرىن «كەنشىلەر كۇنى» مەرەكەسىمەن ءمينيستردىڭ ورىنباسارى تيمۋر توقتاباەۆ قۇتتىقتادى.
بۇگىندە ەلىمىزدەگى ەلەكتر قۋاتىنىڭ 70 پايىزى كومىر ارقىلى وندىرىلەدى. بارلانعان كومىر قورىنىڭ 90 پايىزعا جۋىعى ەلىمىزدىڭ سولتۇستىك-شىعىس جانە ورتالىق بولىگىندە شوعىرلانعان. قازاقستان كومىر قورىنىڭ مولدىعى جونىنەن الەم ەلدەرىنىڭ العاشقى وندىعىنا كىرەدى. بىلتىردىڭ وزىندە 119,7 ميلليون توننا كومىر ءوندىرىل-
ءدى.
سالتاناتتى جيىن بارىسىندا 70-تەن استام سالا قىزمەتكەرلەرى ءتۇرلى ماراپاتتارمەن ماراپاتتالدى. ولارعا «كومىر ونەركاسىبىنىڭ قۇرمەتتى قىزمەتكەرى» اتاعى جانە ءۇش دەڭگەيلى «ەڭبەك داڭقى» توسبەلگىلەرى بەرىلدى.
