بۇدان باسقا قولونەر جارمەڭكەسى, كارناۆالدى شەرۋ, ۇلتتىق ويىندار ۇيىمداستىرىلدى. بال قىمىز, دونەن قىمىز, جۋاس قىمىز, قىسىراق قىمىز سەكىلدى ۇلتتىق سۋسىننىڭ تۇرلەرىن ساتىپ الۋشىلار كوپ بولدى.
فەستيۆالدى ۇيىمداستىرۋشىلاردىڭ ءبىرى ەرلىك مۇحامەدجانوۆتىڭ ايتۋىنشا, يگى شارا قازاق ءۇشىن ەرەكشە قاسيەتتى ت ۇلىك سانالاتىن, ىشسە-سۋسىن, مىنسە-كولىك, جەسە-تاعام جىلقىنىڭ پايداسىن ناسيحاتتاۋدى دىتتەيدى . قامبار اتانىڭ وسىدان بەس مىڭ جىل بۇرىن سولتۇستىك قازاقستاندا ورنالاسقان بوتاي قونىسىندا العاش قولعا ۇيرەتىلگەندىگى عىلىمي تۇردە دالەلدەنگەن.
تۇياعىمەن جەر تارپىپ, اۋىزدىعىمەن الىسقان سايگ ۇلىكتەر شەرۋ كوشىن باستاپ,ولاردىڭ ارتىنان ۆەلووشاباندوزدار مەن «قۇلاگەر» حوككەي كلۋبىنىڭ ويىنشىلارى ەرىپ ءجۇردى. مەرەكەگە جينالعان جۇرتشىلىق سپورتتىق ويىندارعا قاتىسىپ, كۇشتەرىن, ەپتىلىكتەرىن سىناي الدى.
«جاستاردىڭ بەلسەنە قاتىسۋىمەن وتەن فەستيۆال ماعان وتە ۇنادى. كوڭىل كۇيىم كەرەمەت. ءوز ادەت-عۇرىپتارىڭىز پەن ۇلتتىق قۇندىلىقتارىڭىزدى دارىپتەپ جاتقاندارىڭىز قۋانتادى. ۇسىنىلعان ۇلتتىق تاعامدار مەن قىمىزدىڭ ءدامى ءتىل ۇيىرەدى», دەيدى ساحا ەلىنەن ارنايى كەلگەن مەيمان كونستانتين ستەپانوۆ.
فەستيۆال سوڭىندا لوتوتروننىڭ كومەگىمەن لوتەرەيا ويناتىلدى. باستى ۇتىسقا تىگىلگەن جىلقى پەتروپاۆل قالاسىنىڭ تۇرعىنى قاراتاي ءبىرجان ۇلىنا بۇيىردى.
قولونەرشىلەر, اسپازدار سايىسىنىڭ جەڭىمپازدارى دا ماراپاتتارعا يە بولدى.
سولتۇستىك قازاقستان وبلىسى
