سپورت • 20 تامىز، 2019

ساتو يۋياا – قازاق كۇرەسىنىڭ ۇزدىگى

44 رەتكورسەتىلدى

قازىرگى تاڭدا قازاق كۇرەسىنىڭ قادامى جاقسى. حالىقارالىق ارەنادا تانىلىپ جاتىر. سونىڭ ءبىرى وتكەن سەنبى، جەكسەنبى كۇندەرى موڭعوليا استاناسى ۇلان-باتىر قالاسىندا قازاق كۇرەسىنەن ازيا چەمپيوناتى ءوتتى.

اتالمىش جارىس سەگىز سالماق كاتەگورياسى بويىنشا ۇيىمداستىرىلىپ، وعان 11 مەملەكەتتەن 130-دان استام بالۋان قاتىستى. سونىمەن قاتار ءار سالماقتىڭ جەڭىمپازىنا 1000، كەلەسى ورىندارعا 500 جانە 300 اقش دوللارى سىيلانسا، چەمپيوناتتى وتكىزۋشىلەر كورەرمەن قاۋىمدى ىنتالاندىرۋ ءۇشىن  سۋ جاڭا «Toyota prius 30» ماركالى جەڭىل كولىگىن «باقىتتى بيلەت» يەسىنە تابىستادى.

«بۇل شارا جارىس ماڭىزىن ارتتىرۋمەن قاتار، كورەرمەندەردىڭ كوپ كەلۋىنە ايرىقشا ىقپال ەتتى»، دەيدى اتالمىش ەلدەگى قازاق كۇرەسى فەدەراتسياسىنىڭ پرەزيدەنتى، دزيۋدو كۇرەسىنەن الەم جەڭىمپازى جانە وليمپيادانىڭ قولا جۇلدەگەرى، ەرەسەكتەر اراسىندا سامبودان ەكى دۇركىن الەم چەمپيونى، اتاقتى بالۋان ساعانباتىر قاشباتىر مىرزا.

قۇرلىق چەمپيوناتىنىڭ قورى­تىن­دىسى بويىنشا، 5 التىن، 6 كۇمىس، 6 قولا مەدالعا يە بولعان موڭعوليالىق بال­ۋاندار كوماندالىق ەسەپتە توپ باس­تاسا، كەلەسى ورىنعا 3 التىن، 3 كۇمىس، 3 قولا مە­دالعا قول جەتكىزگەن قازاقستان­دىق سپورت­شىلار يە بولىپ، 55 كيلو سال­ماق­تا ناريمان تۇتقىشەۆ، 60 كيلودا ەلا­مان قۋانباي، 100 كيلودا ماق­سات يساقابىلوۆتار جەڭىس تۇعىرىنان كورىن­دى.

جارىستىڭ «ۇزدىك بالۋانى» رەتىندە 74 كيلو سالماقتا جەڭىمپاز اتانعان جاپون جىگىتى ساتو يۋياا تانىلسا، «ۇزدىك تورەشى» اتاعى ۋكراينا ەلىنىڭ مامانى ۆيكتور كۋروپيوتيككە بۇيىردى.

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار