ءۇي گۇلدەرىن وسىرۋشىلەر 15 جىلدان استام ۋاقىتتان بەرى وسى كىتاپحانادا جينالادى. وتىرىستاردىڭ بارىسىندا الدىمەن گۇلدەر الەمىنىڭ جاڭالىقتارى تالقىلانادى. قاتىسۋشىلار گۇل سۇرىپتارىمەن الماسادى, گۇل ءوسىرۋ, لاندشافتىق ديزاين بويىنشا جاڭا كىتاپتارمەن تانىسىپ, بولمە وسىمدىكتەرىنىڭ جاڭا سۇرىپتارىن كورەدى.
گۇل ءوسىرۋشى ەلەنا اسەەۆا اۋىرىپ قالعان گۇلدەردى قالپىنا كەلتىرۋ, گۇلدەر مەن وسىندىلەردى قايتا وتىرعىزۋ, ساپالى توپىراق تاڭداۋ, دۇرىس جارىقتاندىرۋ جانە قالىپتى سۋارۋ سياقتى شەبەرلىك سىنىبىن جانە تاجىريبەلىك ساباقتار وتكىزەدى.
بيولوگ مامانداردىڭ ايتۋىنشا, ءۇي گۇلدەرىمەن ءجيى «سويلەسىپ» جۇرسە, گۇلدەر ءبىزدى تىڭدايدى, ءان اۋەندەرى دە ەرەكشە اسەر بەرەدى.
– ادەمى گۇلدەيتىن شەگىرگۇلدەر, ەپيستسيالار, جاڭا گۆينەيالىق بالزاميندەر, «جاڭبىر اۋەنى», «ەستەل», «راپسوديا-كورا», فۋكسيالار, ساندىك-جاپىراقتى گۇلدەر وسىرگەن جاقسى. قازىر شەتتەن جەتكىزىلەتىن ۇيدە وسىرىلەتىن گۇلدەردىڭ ءتۇر-ءتۇرى بار. ءار گۇلدىڭ كۇتىمى ءارتۇرلى. ءبىرى كۇن كوزىن جاقسى كورسە, ەندى ءبىرى, مىسالى, دراتسەنا تەك كولەڭكەدە وسەدى, – دەيدى «فيالوچكا» اۋەسقوي گۇل وسىرۋشىلەر كلۋبىنىڭ جەتەكشىسى ەلەنا اسەەۆا.
ال «فيالوچكانىڭ» كەزەكتى وتىرىسىنا كەلگەن ايەلدەردى جازعى ۋاقىتتا ءۇي گۇلدەرىن قالاي سۋارۋ, قالاي كۋتۋ كەرەكتىگى مازالايدى.
– جاز كەزىندە ءۇي گۇلدەرىن ىستىقتان ساقتاۋ ءۇشىن سالقىن جەرگە قويعان دۇرىس. بولمەنى مۇمكىندىگىنشە سالقىنداتۋ قاجەت. گۇلدەردى سالقىن سۋمەن بۇركىپ, وسىمدىكتەردىڭ تامىر جۇيەسى زارداپ شەكپەۋ ءۇشىن از-ازدان سۋارۋ كەرەك, – دەدى ەلەنا اسەەۆا.
گۇل وسىرۋشىلەرگە «يان مەنۋەت», «قار ەدەلۆەيسى», «پيراتتار قازىناسى», «تروپيكانا», «اكەسىنىڭ قىزى داشا» اتتى جاڭا فيالكا سورتتارىن ءوسىرۋدى ۇسىندى.
پاۆلودار
