ەلۋىنشى دوداعا ەۋروپالىقتار دا قاتىستى

وسىمەن 50 مارتە جالاۋى جەلبىرەگەن، ەلىمىزدىڭ تۇكپىر-تۇكپىرىنەن كەلگەن ۆەلوشاباندوزدارمەن قاتار وزبەكستان، رەسەي جانە موناكو كنيازدىگىنەن 130-عا جۋىق سپورتشى قاتىسقان سايىستىڭ جابىلۋ سالتاناتىنا ۆەلوترەكتەن ازيا جانە الەم چەمپيونى الەكسەي ليالكو دا كەلدى. جەڭىمپازداردى ايماق باسشىسى دانيال احمەتوۆتىڭ اتىنان قۇتتىقتاعان وبلىس اكىمى اپپاراتىنىڭ باسشىسى جاسۇلان سارسەباەۆ «قازاقستان وقۋشىسى» باسەكەسىنىڭ 20-سى شىعىس قازاقستاندا وتكە­نىن ماق­تانىشپەن اتاپ ءوتىپ: «وليم­يادا چەمپيونى الەك­ساندر ۆي­نو­كۋروۆ تا كەزىن­دە وزدەرىڭ سياق­تى سپورت­تىق مان­سابىن وسى ۆەلوجارىستان باس­تاعان بولاتىن. بۇل بىرە­گەي دوداعا قاتىسۋ ارقى­لى سەندەردىڭ دە تاجىريبەلەرىڭ تولىسىپ، شەبەرلىكتەرىڭ شىڭدالا تۇسەدى. اتالمىش ۆەلوجارىس­قا قاتىسۋشىلاردىڭ اراسىنان ەلىمىزدىڭ اتىن الەمگە ايگىلەي­تىن چەمپيوندار شىعاتىنىنا سەنى­مىمىز مول» دەپ جىلى لەبىزىن جەتكىزدى.

سونىمەن تۇپ-تۋرا ءبىر اپتاعا سوزىلعان ءدۇبىرلى دودادا تۋمىسىنان شايتان اربانىڭ قۇلاعىندا وينايتىن ەۋروپالىقتار الدىنا جان سالماي، جالپىكوماندالىق ەسەپتە كوش باستادى. ەكىنشى ءھام ءۇشىنشى ورىنداردى تال­عار (الماتى وبلىسى) مەن شىم­كەنت قالالارىنىڭ كوماندالارى ءوزارا ءبولىستى. «Monaco team» كومانداسىنىڭ وكىلى گي­يوم برۋدەر التى كەزەڭنەن تۇ­راتىن سايىستىڭ بارلىعىندا وق بو­يى وزىقتىعىن دالەلدەپ، جا­رىس جەڭىمپازىنىڭ سارى جەي­­دە­سىن كيدى. ەلىمىزدىڭ جاس ۆەلو­شا­باندوزدارىنىڭ اراسىنان ەلور­دالىق نۇرجان ءحاتپيننىڭ اياق الىسى كوپشىلىكتىڭ كوڭىلىنەن شىق­تى. ۇزدىك ناتيجە كورسەتكەن ۇجىمدار مەن بىرنەشە اتالىمدا توپ جارعان ۆەلوشاباندوزدار ۇيىمداستىرۋشىلار تاراپىنان، الەكساندر ۆينوكۋروۆ قورى اتىنان كۋبوكتارمەن، ديپلومدارمەن جانە اقشالاي سىيلىقتارمەن ماراپاتتالدى.

وسكەمەن