ماعىنالى دا پايدالى باسقوسۋ
بەيسەنبى, 13 ماۋسىم 2013 2:21
الماتى قالاسىندا «جاس وتان» جاستار قاناتىنىڭ ۇيىمداستىرۋىمەن «جەتىستىك فورمۋلاسى» اتتى بيزنەس-ءماسليحات بولىپ ءوتتى. بيزنەستىڭ جاس وكىلدەرىنىڭ يگى باستاماسىنا «نۇر وتان» حالىقتىق-دەموكراتيالىق پارتياسى توراعاسىنىڭ ءبىرىنشى ورىنباسارى باۋىرجان بايبەك قاتىستى.
الماتى قالاسىندا «جاس وتان» جاستار قاناتىنىڭ ۇيىمداستىرۋىمەن «جەتىستىك فورمۋلاسى» اتتى بيزنەس-ءماسليحات بولىپ ءوتتى. بيزنەستىڭ جاس وكىلدەرىنىڭ يگى باستاماسىنا «نۇر وتان» حالىقتىق-دەموكراتيالىق پارتياسى توراعاسىنىڭ ءبىرىنشى ورىنباسارى باۋىرجان بايبەك قاتىستى.
ەركىن دە اشىق سيپاتتا وتكىزىلگەن باسقوسۋدا كىشىگىرىم كاسىپتەن باستاپ, ۇلكەن بيزنەسكە دەيىنگى جولدا بيزنەستىڭ جاس وكىلىنە كەرەكتى بارلىق كەڭەستەر مەن ناقتى تاجىريبەلەر تەرەڭ قوزعالدى. زامانعا ساي ءىستى ساۋاتتى جۇرگىزىپ, ناقتى جەتىستىكتەرگە جەتۋ ءۇشىن ءبىلىمدى بولۋمەن قاتار, جاڭا تەحنولوگيانى دۇرىس قولدانىپ, ءاربىر بيزنەس وكىلدىڭ يننوۆاتسيالىق دامۋ جۇيەسى جونىندە وي-ورامى مىقتى بولۋى كەرەك. مىنە, بيزنەستىڭ الدىڭعى بۋىنى مەن جاس وكىلدەرىنىڭ اراسىندا قوزعالعان تاقىرىپ تا, ۇران دا وسى بولدى.
باۋىرجان قىدىرعالي ۇلى جاستار الدىندا ەلباسى نۇرسۇلتان نازارباەۆ بۇگىنگى تاڭدا مەملەكەتتى كوركەيتەتىن جانە ەلىمىزدەگى تۇراقتىلىقتىڭ نىق بولۋىنا ىقپال ەتەتىن شاعىن ءجانە ورتا بيزنەستىڭ دامۋى ءۇشىن بارلىق جاعدايدى جاساپ وتىرعانىن, سونداي-اق, وتاندىق پارتيالاردىڭ وكىلدەرى مەن جەرگىلىكتى اتقارۋشى ورىنداردىڭ جاۋاپتى ماماندارى جەر-جەردە ەلباسى تاپسىرماسىنىڭ ورىندالۋىن قاتاڭ قاداعالاپ وتىرعانىن جەتكىزدى.
سونىمەن قاتار, پارتيا توراعاسىنىڭ ورىنباسارى ءوز سوزىندە پاۆلودار جەرىندەگى «نۇر وتان» پارتياسىنىڭ بولىمشەسى قولدانىپ وتىرعان ءتيىمدى ءتاسىلدى دە ايتىپ ءوتتى. ماسەلەن, پاۆلودارلىق جاس كاسىپكەرلەر ءوز كاسىبىن باستاۋ ءۇشىن قارجى كوزىن قالاي ىزدەۋ, بيزنەس-جوسپار جاساپ كاسىپتى ىلگەرىلەتۋ مەن جاڭا جۇمىس ورنىن اشۋ جونىندە كەڭەس الىپ قانا قويماي, ولاردىڭ ءىسىن باستاۋ ءۇشىن ينۆەستور تاۋىپ بەرۋ جۇيەسى دە جاقسى جولعا قويىلىپتى.
كەزدەسۋ بارىسىندا ب.بايبەك پارتيانىڭ قوعامدىق قابىلداۋىنا جاستاردىڭ كوپتەپ كەلەتىندىگىن, بىلتىرعى جىلى رەسپۋبليكا بويىنشا جاستار تاراپىنان توقسان مىڭعا تارتا ۇسىنىس تۇسسە, بيىل تەك 3 اي ىشىندە 50 مىڭ جاستىڭ تىركەلگەنىن تىلگە تيەك ەتتى.
ماسليحاتقا جيىلعان جاستار الدىندا رەسەيدىڭ سانكت-پەتەربۋرگ قالاسىندا ءوز كاسىبىن باستاپ, قازىردە تاياۋ شىعىس, گەرمانيا, ءۇندىستان جانە قازاقستان سەكىلدى بىرقاتار ەلدىڭ رىنوگىن قامتاماسىز ەتىپ وتىرعان «ارمان» ووو-نىڭ پرەزيدەنتى, رەسەيدىڭ بەلدى بيزنەسمەندەرىنىڭ ءبىرى سەرىكباي بيسەكەەۆ ءوزىنىڭ جەتىستىككە جەتۋ شەبەرلىگىمەن ءبولىستى.
بۇدان وزگە, الماتى مەن اتىراۋ جەرىندە جانارماي بەكەتتەرىن اشا وتىرىپ, كەلە-كەلە مۇناي ءونىمدەرىن قايتا وڭدەۋ ىسىمەن اينالىساتىن مۇمكىندىككە قول جەتكىزگەن «التىن قىران» كومپانيالار توبىنىڭ باس ديرەكتورى يسلامبەك سالجانوۆ, ەلىمىزدەگى ينتەرنەت-بيزنەس اسسوتسياتسياسىنىڭ ديرەكتورى كونستانتين گوروجانكين, «BCC Invest» كومپانياسىنىڭ قارجى ديرەكتورى رۇستەم قارىموۆ, «Centermarketing» بيزنەس-جۇيەسىنىڭ باس ديرەكتورى دانيار نۇرعازيندەر ءوز كاسىبىن جاڭا باستاۋشى جاس بۋىن الدىندا بيزنەستەگى تاجىريبەلەرى مەن يدەيالارىن جاريا ەتىپ, قازىرگى كەزدە ىسپەن اينالىسا ءجۇرىپ ءبىلىم جيناقتاۋدى دا داعدىعا اينالدىرۋ كەرەكتىگىن العا تارتتى.
بيلىك پارتياسى باسشىلارىنىڭ بىرىمەن جانە الىس-جاقىن شەت ەلدەردە جەمىستى ەڭبەك ەتىپ جۇرگەن بەلدى بيزنەسمەندەرمەن وتكەن كەزدەسۋ جاس بۋىن وكىلدەرى ءۇشىن اسا ماعىنالى دا پايدالى بولدى.
الماتى.
قانات ەسكەندىر,
«ەگەمەن قازاقستان».
سۋرەتتەردى تۇسىرگەن
ايتجان مىرزانوۆ.
