بۇگىندە الەۋمەتتىك-ەكونوميكالىق, ساياسي-قوعامدىق وزگەرىستەر بەلەڭ العان شاقتا جان-جاقتى بىلىكتى ماماندار قاجەتتىگى كۇن ساناپ كوبەيۋدە. قازىرگى زامان-ادامدى وزگەلەردىڭ مادەنيەتى مەن تىلدەرىن تەز قابىلداي بىلەتىن جان-جاقتى تۇلعا بولۋى شارت. «پوليگلوت» بايقاۋىنىڭ نەگىزگى تالابى دا وسى كوپ ءتىلدى جەتىك مەڭگەرۋ بولىپ تابىلادى.
بايقاۋ ەكى كەزەڭنەن تۇردى. ءبىرىنشى ىرىكتەۋ كەزەڭى, بۇل كەزەڭگە قاتىسۋ ءۇشىن بايقاۋعا قاتىسۋشى ءۇش ءتىلدى جەتىك مەڭگەرگەن بولۋى ءتيىس. بايقاۋدىڭ العاشقى تاپسىرماسى «تانىستىرۋ» دەپ اتالادى, بۇل تاپسىرمادا سايىسكەرلەر وزدەرىن ءۇش تىلدە تانىستىردى. ەكىنشى تاپسىرما «تەرميندەر -اۋدارمالار» دەپ اتالىپ, بۇل تاپسىرمانى بايقاۋعا قاتىسۋشىلار جازباشا تۇردە ورىندادى. بۇل تاپسىرمانى ورىنداۋدا بايقاۋعا قاتىسۋشىلاردىڭ قازاق, ورىس جانە اعىلشىن ءتىلىن ءبىلۋ دەڭگەيى مەن ساۋاتتى جازۋى سىنعا ءتۇستى.
«ەكراندا بەرىلگەن قازاق حالقىنىڭ سالت-داستۇرىنە, تۇرمىسى مەن مادەنيەتىنە بايلانىستى سۇراقتارعا قازاق تىلىندە جاۋاپ بەرۋ» اتتى ءۇشىنشى تاپسىرما بويىنشا قاتىسۋشىلار جازباشا تۇردە بەرىلگەن تەرمين سوزدەردىڭ قازاق جانە اعىلشىن تىلىندەگى اۋدارمالارىن ايتىپ بەردى. سوڭعى تاپسىرمادا بايقاۋعا قاتىسۋشىلار «ەكراندا بەرىلگەن توتەنشە جاعدايلار تەرميندەرىنىڭ قازاق, ورىس جانە اعىلشىن تىلدەرىندەگى نۇسقالارىن ايتۋ» بويىنشا جارىستى.
قىزۋ سايىستا ءبىرىنشى ورىندى ەدىگەەۆ ءادىلحان, ەكىنشى ورىندى يتالماس مادينا جانە ءۇشىنشى ورىندى ەرجانوۆ سارسەنبەك جانە جۇزباەۆ بيبارىس يەلەندى.
ماڭعىستاۋ وبلىسى توتەنشە جاعدايلار دەپارتامەنتى كادر ساياساتى ءبولىمىنىڭ باستىعى ازاماتتىق قورعاۋ پودپولكوۆنيگى انارا تۋسينا بايقاۋعا قاتىسۋشىلاردى ديپلومدارمەن جانە سىيلىقتارمەن ماراپاتتادى.
بايقاۋدىڭ جەڭىمپازدارى قىركۇيەك ايىندا كوكشەتاۋ قالاسىندا وتەتىن رەسپۋبليكالىق كەزەڭگە جولداما الدى.
ماڭعىستاۋ وبلىسى
