جۋىردا قالا اكىمى باقىتجان ساعىنتاەۆ ورتالىقتا كوپبالالى انالارمەن كەزدەسىپ, ولاردىڭ كوكەيتەستى ماسەلەلەرىن تىڭداعان بولاتىن. ونىڭ بارىسىندا بيزنەس باستاعىسى كەلەتىن ايەلدەرگە بارىنشا قولداۋ كورسەتۋ ماقساتىندا, «ىسكەر انا» باعدارلاماسىن ءبىر اي ىشىندە ىسكە قوسۋ بويىنشا تاپسىرما بەرىلگەن-ءدى. قازىرگى كەزدە ايەلدەر كاسىپكەرلىگىن دامىتۋ باعىتىندا «ىسكەر انا» جوباسىنىڭ تۇجىرىمداماسى جاسالىپ, جۇزەگە اسا باستادى. كەز كەلگەن كاسىپ باستاعىسى كەلەتىن ازامات ناقتى سالا بويىنشا ءبىلىمىن جەتىلدىرگەننەن كەيىن «باقىتت وتباسى» ماماندىرىنىڭ كومەگىمەن بيزنەس جوسپارىن دايىنداپ, «اتامەكەن» ۇكپ ءبىلىمىن جەتىلدىرۋگە بارادى. ارنايى كوميسسيا ساراپتاماسىنان وتكەننەن كەيىن شاعىن كاسىبىن اشۋ ءۇشىن 505 مىڭ تەڭگە كولەمىندە مەملەكەتتىك گرانتقا يە بولادى. ورتالىق ماماندارى قازىرگى كەزدە ءتورت مىڭنان استام انالاردى قابىلداپ, ءارتۇرلى ماسەلەلەر شەشىمىن تاپقان. ورتالىق ماماندارى الەۋمەتتىك جاردەماقى الۋ ءۇشىن قانداي قۇجاتتار راسىمدەدەۋى قاجەتتىگى, باسپانا كەزەگىنە تۇرۋ, بىلىكتىلىگىن ارتتىرۋ سياقتى كوپتەگەن كوكەيكەستى ماسەلەلەرى بويىنشا انالارعا قولداۋ كورسەتۋدە.
ارنايى مامانداردىڭ كەڭەسىن العان انالاردىڭ باسىم كوپشىلىگىندە جاعداي كۇردەلى. تىپتەن, ءوز دەنساۋلىعىنىڭ, بالالارىنىڭ جاعدايىنىڭ كۇردەلىلىگىن مويىنداعىسى كەلمەيتىن انالارمەن پسيحولوگتار جانە دارىگەرلەردىڭ ۇزاق جۇمىس ىستەۋىنە تۋرا كەلەدى. ورتالىقتاعى دارىگەرلەر كابينەتى اناسىنا دا, بالاسىنا دا العاشقى مەديتسينالىق كومەك كورسەتىپ, قاجەت بولسا, ءتيىستى ماماندار شاقىرىپ كەڭەس بەرۋمەن قاتار, تۇراقتى باقىلاۋعا الىپ, ارى قارايعى ساۋىعىپ كەتۋىنە دە ىقپال ەتۋدى جولعا قويعان. قر دەنساۋلىق ساقتاۋ سالاسىنىنا ەڭبەگى سىڭگەن بالالار پەدياترى توتى كابدراحمانقىزىنىڭ ايتۋىنشا, قوعام نازارىنان تىس قالعان جاندارمەن سويلەسۋ, ولارعا دەنساۋلىعىنداعى كىلتيپاندارعا قاتىستى ەسكەرتۋ جاساپ, ەندىگى كەزەكتە قانداي كومەك الاتىندىعىن ءتۇسىندىرۋدىڭ ءوزى قيىن. ال بالالار پەدياترى اينا ابدىراحمانقىزىنىڭ ايتۋىنشا, دارىگەر ءۇشىن ونداي ازاماتتارمەن سويلەسۋ اسا شىدامدىلىقتى تالاپ ەتەدى. ولاردىڭ كوڭىلىن تاۋىپ, ەمدەلۋگە, جاعدايىن دۇرىستاۋعا كەڭەس بەرۋدىڭ وزىندىك قيىندىعى بار.
ورتالىق مەنەدجەرى جۇماگۇل قۋاتبەكقىزى ورتالىقتاعى جۇمىس بارىسىمەن تانىستىرىپ, «شىراق», «ۋىق» كابينەتتەرىمەن قاتار زاڭگەر, پسيحولوگ كەڭەسى ماماندارىنىڭ جۇمىسىنان دا حاباردار ەتىپ ءوتتى. قازىرگى ساتتە ورتالىقتا انالار قوسىمشا ماماندىقتاردى يگەرىپ, الماتىداعى فيزيكا-ماتەماتيكا باعىتىنداعى نازارباەۆ ينتەللەكتۋالدى مەكتەبىنىڭ قولداۋىمەن اعىلشىن ءتىلى دە وقىتىلۋدا. ال كومپيۋتەرلىك ورتالىقتا ارنايى كۋرستار جۇرگىزىلسە, بالالارىمەن كەلگەن انالار ءۇشىن ارنايى بولمەلەر قاراستىرىلعان. وندا كۋرس ۋاقىتى بىتكەنشە تاربيەشىلەر بالالاردى سۋرەت سالىپ, جەلىممەن ءتۇرلى پىشىمدەر جاساۋعا باۋليدى.
قازىرگى كەزدە جەكەلەگەن اۋداندارداعى ورتالىقتار جۇمىستارىن جەتىلدىرۋگە بايلانىستى ءتيىستى ماماندار وسى ورتالىقتان تاجىريبەدەن وتۋدە.
