بۇل جونىندە قوعامدىق قابىلداۋ بولمەسى وتكىزگەن ماجىلىستە پارتيا فيليالى توراعاسىنىڭ ءبىرىنشى ورىنباسارى بەيسەن تاجىباەۆ مالىمدەدى. ارىس قالالىق ءماسليحاتىنىڭ حاتشىسى, ءماسليحات دەپۋتاتتارى, قۇرىلىسقا جاۋاپتى مەكەمە باسشىلارى, پارتيا بەلسەندىلەرى قاتىسقان ماجىلىستە قالپىنا كەلتىرۋ جۇمىستارىنىڭ بارىسى وبلىس اكىمى مەن «Nur Otan» پارتياسىنىڭ ۇنەمى نازارىندا ەكەنى ايتىلدى. بۇگىندە جارىلىستان زارداپ شەككەن قالانى قالپىنا كەلتىرۋ كەستە بويىنشا جۇرگىزىلۋدە. بىراق بۇگىنگى تاڭدا ءۇي يەلەرىنىڭ كەلىسىم بەرمەۋىنە بايلانىستى 53 باسپانادا قۇرىلىس باستالماعان. بۇل ورايدا ب. تاجىباەۆ تۇرعىنداردىڭ تالاپ-تىلەگىن تىڭداپ, وتىنىشتەرى ەسكەرىلەتىنىن ايتىپ ءوتتى.
ماجىلىستەن سوڭ پارتيا بەلسەندىلەرى قالاداعى 9, 12 سەكتور جۇمىسىن باقىلاپ, تۇرعىن ۇيلەردى ارالادى. ايتا كەتەلىك, ارىس قالاسىندا تۇرعىن ءۇي سانى – 8634. توتەنشە جاعدايدان كەيىن جوندەۋ جۇمىستارىن قاجەت ەتەتىنى - 7197, ال 433 باسپانا تولىق قالپىنا كەلتىرىلمەك. سونىڭ ىشىندە جاڭادان 420 جەكە تۇرعىن ءۇي مەن 3 كوپقاباتتى ءۇيدى قايتا سوعۋ جۇمىستارى جۇرگىزىلۋدە.
تۇركىستان وبلىسى
