قوعام • 15 تامىز، 2019

مەكتەپكە 6 جاستان بارۋ مىندەتتى ەمەس

76 رەتكورسەتىلدى

مەكتەپكە بالالاردى التى جاستان بەرۋ مىندەتتى ەمەس. ۇكىمەت ۇيىندە وتكەن ءباسپاسوز كونفەرەنتسياسىندا ءبىلىم جانە عىلىم ءمينيسترى اسحات ايماعامبەتوۆ وسىلاي دەدى.

قازىر ءبىلىم جانە عىلىم مينيسترلىگى جەرگىلىكتى اتقارۋشى ورگاندارمەن بىرلەسىپ، جاڭا وقۋ جىلىنا دايىندىق جۇمىستارىن جۇرگىزۋدە. بيىل رەسپۋبليكا بويىنشا مەكتەپكە باراتىن بالالاردىڭ سانى 3 ملن-نان اسادى. ونىڭ ىشىندە 1-سىنىپقا 405 مىڭنان استام بالا بارادى دەپ كۇتىلۋدە. بۇل كورسەتكىش وتكەن جىلمەن سالىستىرعاندا 20 مىڭ بالاعا ارتىق. ءبىلىم جانە عىلىم ءمينيسترى اسحات ايماعامبەتوۆتىڭ ايتۋىنشا، مەكتەپكە بالالاردى 6 جاستان بەرۋ مىندەتتى ەمەس. قاي جاستا بەرەمىز دەسە دە، تاڭداۋ اتا-انانىڭ ءوز ەركىندە بولماق.

− بالالارى 6 جاسقا تولعان كوپتەگەن اتا-انا مەكتەپكە دا­يىن­دىعىمىز جوق، ساناۋ بىلمەيمىز، وقي المايمىز دەپ شاعىم ايتىپ جاتادى. ەشقانداي مەكتەپتە 1-سىنىپقا بارعان بالا مىندەتتى تۇردە وقىپ، جازىپ، ساناي ءبىلۋى كە­رەك دەگەن تالاپ جوق. مەكتەپ تابالدىرىعىن اتتاعان بالانى وقىتىپ، ۇيرەتەتىن ارنايى باع­دارلاما بار. سوندىقتان ءبىرىنشى سىنىپتا ولار ارىپتەردى، ساناۋ­دى، جازۋدى، وقۋدى ۇيرەنەدى، − دەدى مينيستر. ونىڭ ايتۋىنشا، بالاسى 6 جاستان مەكتەپكە بار­ماعانى ءۇشىن اتا-انا مەملەكەتكە ايىپپۇل تولەمەيدى، بۇل – اركىمنىڭ ءوز تاڭداۋى. اتا-انا بالاسىنىڭ قا­بىلەتىن بىلگەندىكتەن، ونى قانشا جاستان مەك­تەپكە بەرۋ كەرەكتىگىن ءوزى شەشە­دى.

سونىمەن قاتار ا.ايما­عام­بەتوۆ قازاقستاندىق مەكتەپتەردە ەرەكشە ءبىلىم الۋ قاجەتتىلىكتەرى بار بالالار 8 جاسىندا دا مەكتەپكە قابىلداناتىنىن ەسكە سالدى. باق وكىلدەرىمەن كەزدەسۋ بارىسىندا مينيستر وقۋشىلاردىڭ ەلەكتروندى وقۋلىقتاردى قول­دانا الاتىنىن، كىتاپتاردى QR كودتار بويىنشا جۇكتەي الاتىنىن جانە مەكتەپكە پلانشەتپەن، ەلەكتروندى كىتاپپەن نەمەسە نوۋت­بۋكپەن بارا الاتىنىن ايتتى. سوعان ساي اتالعان ۆەدومستۆو وڭىرلەرگە ارنايى نۇسقاۋ حات دايىنداعان.

− مەنەن ەلەكتروندى وقۋ­لىق­تاردى پايدالانۋعا مۇعالىمدەر رۇقسات بەرە مە دەپ سۇرايدى. ءبىز وقۋ جىلىنىڭ باسىنا ارنالعان نۇسقاۋلىق-ادىستەمەلىك حاتتا وسى جاعدايدى وقۋشىنىڭ جەكە تاڭ­داۋى ەكەنىن تۇسىندىردىك. ەلەكتروندى وقۋلىقتىڭ قارا­پا­يىم وقۋلىقتان ەش ايىر­ما­شى­لىعى جوق. مەكتەپكە بالالار پلانشەتپەن، ەلەكتروندى كىتاپ­پەن، نوۋتبۋكپەن بارا الادى، باسقا دا قۇرىلعىلاردى قولدانۋعا بولادى. بۇل پروتسەسكە قاتاڭ تالاپتار قويىلماعان، – دەپ ءتۇسىندىردى ا.ايماعامبەتوۆ. مي­نيستر ەلەكتروندى وقۋلىق  مەك­تەپ وقۋشىلارىنىڭ سوم­كەسىن جەڭىلدەتۋگە ارنالعان مۇم­كىن­دىكتەردىڭ ءبىرى ەكەنىن ايتتى.

سوڭعى جاڭالىقتار

تارالىم ءھام قارالىم

100 • بۇگىن، 06:55

تارحان تەكتى رەداكتور

100 • بۇگىن، 06:40

ءجۇز جىل

100 • بۇگىن، 06:27

ۇشقىر ويلار ۇشقىندارى

100 • بۇگىن، 06:11

ۇلكەن جولدىڭ ۇزىكتەرى

100 • بۇگىن، 05:58

ينۆەستيتسيا – دامۋ داڭعىلى

ايماقتار • بۇگىن، 05:49

ۇقساس جاڭالىقتار