ايماقتار • 14 تامىز، 2019

سەلدىڭ قاۋپى سەيىلدى

117 رەتكورسەتىلدى

الماتىنىڭ ناۋرىزباي اۋدانىنداعى تاۋسامالى، قاراعايلى ەلدى مەكەندەرى ارقىلى وتەتىن ارناداعى سۋدىڭ تاسقىنى تۇرعىنداردى ءبىراز اۋرە-سارساڭعا سالىپ، دۇربەلەڭ تۋعىزدى. قالانىڭ توتەنشە جاعدايلار قىزمەتى سەل ءجۇرۋ قاۋپىن بۇدان بۇرىن انىقتاعاندىقتان بۇل اۋماقتاردا قاۋىپسىزدىك شارالارىن كۇشەيتىپ،  ەكۆاكۋاتسيالىق پۋنكتتەر جاساقتالدى. اۋداندا گاز، جارىق جۇيەسىنىڭ جۇمىسى ۋاقىتشا توقتاتىلدى.

الماتى قالاسى توتەنشە جاعدايلار دەپارتامەنتىنىڭ  ءباسپاسوز قىزمەتىنەن حابارلاعانىنداي،  بۇگىن تاڭعى  ساعات 6-دان  20 مينۋت كەتكەندە قارعالى وزەنى باسسەينىنىڭ №1 كولى قولدانىستاعى جەراستى-مورەنالىق كانالدار ارقىلى بوساتىلعان. سۋ اعىسىنىڭ بولجامدى  جىلدامدىعى سەكۋندىنا 5 تەكشە مەتردى قۇراپ، كولدەگى سۋ دەڭگەيى 5 كۋب مەترگە دەيىن تومەندەگەن. ال اعىندى سۋلاردىڭ الدىن الا بولجام كولەمى 20 مىڭ تەكشە مەتردى قۇرادى.

قارعالى شاتقالىنىڭ تۇرعىندارى سيرەنالىق-دىبىستىق قۇرىلعىلار ارقىلى جەدەل ارادا حابارلاندىرىلىپ (سدق- لوكالدى، تەك شاتقالدا عانا ىسكە قوسىلادى)، ناۋرىزباي اۋدانىنىڭ ءورت ءسوندىرۋ بولىمشەلەرى، جول-پاترۋلدىك ەكيپاجدارى ىسكە قوسىلعان. تۇرعىنداردى قابىلداۋ پۋنكتتەرى ازىرلەنىپ، بوستاندىق اۋدانىنداعى مەكتەپتەر ەۆاكۋاتسياعا دايىندالدى.

توتەنشە جاعدايلاردىڭ الدىن الۋ بويىنشا جەدەل شتاب قۇرىلىپ، ازاماتتىق قورعانىس قىزمەتتەرى الماتى قالاسى تجد-ءىڭ  جاعداي جانە داعدارىس ورتالىعىنا جينالدى.   الماتى  قالاسىنىڭ قۇتقارۋ قىزمەتى، قازاۆياقۇتقارۋ بورتى جانە ۇلتتىق گۆارديانىڭ جەكە قۇرامى توتەنشە جاعدايعا  دايىن.

بيىلعى جىلى كولدى بوساتۋ بويىنشا الدىن الۋ جۇمىستارى 6 ماۋسىمدا باستالعان. وسى ماقساتتا ونىمدىلىگى جوعارى سورعىلار، پلاستيكالىق قۇبىرلاردان سيفون جىپتەرى تارتىلىپ، سونداي-اق ترانزيتتىك اعىن سۋلارعا ەۆاكۋاتسيالىق كانال توسەلدى. جالپى العاندا،  جۇمىس باستالعاننان بەرى باستاپقى  كولەمى 77،2 مىڭ تەكشە مەتر بولعان سۋدىڭ 1،6 ميلليون تەكشە مەتر مولشەرى ازايتىلعان.  تاسقىن قاۋپى بولۋى مۇمكىن 8 اۋدان الدىن الا انىقتالىپ، توتەنشە جاعدايدا 59 بىرلىك تەحنيكا مەن 216 بىرلىكتە ادام كۇشى مەن قوسىمشا جاراقتار ىسكە قوسىلدى.

قازىرگى ۋاقىتتا كولدەن اققان سۋ توقتاتىلدى. قارعالى وزەنىنىڭ ارناسىندا سۋدىڭ تاسۋى بايقالمايدى. جالپى، قارعالى وزەنىنىڭ ارناسى تۇراقتاندى جانە سەكۋندىنا 20 تەكشە مەترگە دەيىن سۋ اعىپ وتەدى. اعىستىڭ جىلدامدىعى قازىرگى ۋاقىتتا 4،86 كۋب / م قۇرايدى.

 

 

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار