جۇمىس جايىمەن تانىستى
جۇما, 15 ناۋرىز 2013 2:15
«نۇر وتان» حدپ توراعاسىنىڭ ءبىرىنشى ورىنباسارى باۋىرجان بايبەك ەكى كۇندىك ساپارمەن قىزىلوردا وبلىسىندا بولدى.
سىردىڭ بويىن, ودان ارال ايماعىن جايلاپ جاتقان ءوڭىر بولعان سوڭ, مۇندا بالىق شارۋاشىلىعى باستى كاسىپ. سوندىقتان دەلەگاتسيا باراتىن العاشقى اۋداننىڭ ارال بولعانى دا تاڭعالارلىق ەمەس. باۋىرجان بايبەك پەن وبلىس اكىمى قىرىمبەك كوشەرباەۆ باستاعان توپ «قۋانىش» سەرىكتەستىگىنىڭ بالىقشىلار قاۋىمىمەن جۇزدەسىپ, اتاكاسىپتى جاڭعىرتۋ باعىتىندا اتقارىلىپ جاتقان جۇمىستارمەن تانىستى.
جۇما, 15 ناۋرىز 2013 2:15
«نۇر وتان» حدپ توراعاسىنىڭ ءبىرىنشى ورىنباسارى باۋىرجان بايبەك ەكى كۇندىك ساپارمەن قىزىلوردا وبلىسىندا بولدى.
سىردىڭ بويىن, ودان ارال ايماعىن جايلاپ جاتقان ءوڭىر بولعان سوڭ, مۇندا بالىق شارۋاشىلىعى باستى كاسىپ. سوندىقتان دەلەگاتسيا باراتىن العاشقى اۋداننىڭ ارال بولعانى دا تاڭعالارلىق ەمەس. باۋىرجان بايبەك پەن وبلىس اكىمى قىرىمبەك كوشەرباەۆ باستاعان توپ «قۋانىش» سەرىكتەستىگىنىڭ بالىقشىلار قاۋىمىمەن جۇزدەسىپ, اتاكاسىپتى جاڭعىرتۋ باعىتىندا اتقارىلىپ جاتقان جۇمىستارمەن تانىستى.
«سىرداريا وزەنىنىڭ ارناسىن رەتتەۋ جانە سولتۇستىك ارال تەڭىزىن ساقتاۋ» جوباسىنىڭ ءى كەزەڭى اياقتالعالى حالىقتىڭ جاعدايى جاقساردى. كىشى ارال مەن كوپتەگەن كولدەر قالپىنا كەلدى. جىل وتكەن سايىن اۋلاناتىن سۋ مارجانىنىڭ كولەمى ارتىپ كەلەدى. مىسالى, 2008 جىلى وبلىس بويىنشا 2 320 توننا بالىق اۋلانسا, 2012 جىلى بۇل كورسەتكىش 5 161 تونناعا وسكەن. 2013 جىلعا بەلگىلەنگەن كۆوتا كولەمى 6 226 توننا بولىپ وتىر. جوعالىپ كەتكەن 22 ءتۇرلى بالىق قايتا ورالدى. 2000 جىلدارى كىشى ارال تەڭىزىنەن جىلىنا بار-جوعى 400 توننا كامبالا اۋلانسا, بۇگىندە 4 900 توننا باعالى بالىقتار اۋلانۋدا. جالپى قۇنى 85,79 ملن. اقش دوللارىن قۇرايتىن جوبا دۇنيەجۇزىلىك بانك جانە رەسپۋبليكالىق بيۋدجەت ەسەبىنەن قارجىلاندىرىلدى. قازىرگى كەزدە نيدەرلاندىنىڭ «Arcadis Euroconsult», دانيانىڭ «DHI Water & Environment», ۇلىبريتانيانىڭ «Jacobs – Babtie» كومپانيالارىنىڭ قاۋىمداستىقتارى جانە «كازگيپروۆودحوز» ينستيتۋتى ساراتس-تىڭ كەلەسى كەزەڭى بويىنشا جوبانى ازىرلەۋدە. قوناقتار سونداي-اق بالىقشىلاردىڭ وتكەنى مەن بۇگىنىن سيپاتتايتىن كورمەنى تاماشالادى.
الداعى ۋاقىتتا اۋىل اكىمدەرىنىڭ سايلاۋى وتەتىنى بەلگىلى. وسى ءبىر سىندارلى ءىستىڭ الدىندا پارتيا توراعاسىنىڭ ءبىرىنشى ورىنباسارى ناعي ءىلياسوۆ اۋىلىندا بولىپ, ەلدىڭ تىنىس-تىرشىلىگىمەن ەتەنە تانىستى. الداعى سايلاۋ تۋرالى ويلارىن ءبىلدى.
ساپاردىڭ ەكىنشى كۇنىندە قىزىلوردادا «نۇر وتان» حدپ وبلىستىق فيليالىنىڭ كەزەكتەن تىس ءحىىى كونفەرەنتسياسى بولدى. كونفەرەنتسيا بارىسىندا ايماقتىق فيليالدىڭ توراعاسى سايلاندى. ەندى قىرىمبەك كوشەرباەۆ اكىمدىك قىزمەتپەن قاتار, فيليال ءتوراعاسى لاۋازىمىن دا اتقاراتىن بولدى. كونفەرەنتسياعا قاتىسۋشى دەلەگاتتار قىرىمبەك ەلەۋ ۇلىنىڭ كانديداتۋراسىن ءبىراۋىزدان قولدادى.
– مەملەكەت باسشىسى حالىققا 2050 جىلعا دەيىنگى جاڭا ستراتەگيا ۇسىنىپ, ەلىمىزدىڭ الداعى بىرنەشە ونجىلدىقتاعى دامۋ جولدارىن كورسەتتى. وسىعان سايكەس قازىرگى تاڭدا بارشا قازاق ەلى جاڭارۋ مەن جاڭعىرۋ جولىنا ءتۇسىپ, تىڭ بەلەستەر مەن اسۋلارعا قادام باستى. ەلباسى باسقاراتىن «نۇر وتان» پارتياسى دا وسى كوشتەن كەش قالماي, كەرىسىنشە, ونىڭ تىزگىنىن قولىنا الۋى قاجەت. وسىعان بايلانىستى ءبىزدىڭ الداعى قىزمەتىمىز جەتى باستى باعىت بويىنشا ءوربيدى. 2050 جىلعا دەيىنگى ەلباسى ستراتەگياسىن حالىققا كەڭىنەن ناسيحاتتاۋدى جالعاستىرۋ, پارتيانىڭ وڭىرلەردەگى جۇمىسىن جانە تيىمدىلىگىن ارتتىرۋ, جاستارمەن جۇمىس جۇرگىزۋ تاسىلدەرىن جانە ينتەرنەتتەگى جۇمىستى جەتىلدىرۋ, مەملەكەتتىك ورگاندار قىزمەتىنە باقىلاۋدى كۇشەيتۋ جانە قوعام مەن بيلىك اراسىنداعى كەرى بايلانىستى نىعايتۋ باستى ماقسات بولىپ تابىلادى. ءبىزدىڭ پارتيامىز – بولاشاق پارتياسى. «نۇر وتان» «قازاقستان-2030» ستراتەگياسىن مەرزىمىنەن بۇرىن تابىستى ورىنداۋعا زور ۇلەس قوستى, ال ەندى 2050 جىلعا دەيىنگى جاڭا ستراتەگيانى ىسكە اسىرۋدا دا بيلىك پارتياسىنا ايرىقشا جاۋاپكەرشىلىك جۇكتەلەدى. سوندىقتان ءبىزدىڭ الدىمىزدا وتە كۇردەلى مىندەتتەر تۇر,– دەدى ب.بايبەك.
پارتيا توراعاسىنىڭ ءبىرىنشى ورىنباسارى جۇمىس ساپارىنىڭ سوڭىندا تۇرعىنداردى جەكە ماسەلەلەرى بويىنشا قابىلداپ, وبلىستىق فيليالدىڭ جۇمىسىمەن تانىستى.
ەرجان بايتىلەس,
«ەگەمەن قازاقستان».
قىزىلوردا وبلىسى.
