«ەلباسىنىڭ جاڭا استانانى قۇرۋ تۋرالى شەشىمى تاۋەلسىز قازاقستان تاريحىنداعى سەرپىندى قادام, پراگماتيزم مەن كورەگەندىكتىڭ ۇلگىسى بولىپ تابىلادى. نۇر-سۇلتان قالاسىنداعى ساۋلەتتى قۇرىلىستار, اسەم عيماراتتار مەن كوپقاباتتى تۇرعىن-ۇيلەردىڭ بارلىعى – قۇرىشقولدى قۇرىلىسشىلاردىڭ ەرەن ەڭبەگى. قالانىڭ ءسانىن كەلتىرىپ, ايشىقتاندىرىپ تۇرعان قۇرىلىستارعا قالدىرعان قولتاڭبا ارقايسىڭىز ءۇشىن ۇلكەن مارتەبە»,- دەدى ا.كولگىنوۆ.
ەلوردادا 65 مىڭ قۇرىلىسشى ەڭبەك ەتەدى. جىل سايىن ولار 2 ملن.شارشى مەتردەن استام تۇرعىن ءۇي سالادى. تۇرعىن ءۇي قورى 5,5 ەسەگە جۋىق ۇلعايعانىنا قاراماستان, ەلوردادا ءالى دە ءوز باسپاناسى جوق وتباسىلار بار.
مەملەكەت باسشىسى قاسىم-جومارت كەمەل ۇلى توقاەۆتىڭ تاپسىرماسىنا سايكەس, قالامىزدا قولجەتىمدى باسپانا قۇرىلىسى ارتاتىن بولادى.
ء«بىز الەۋمەتتىك سالاداعى قۇرىلىس كولەمىن ۇلعايتۋدى جوسپارلاپ وتىرمىز جانە ءسىزدىڭ كاسىبيلىگىڭىزگە باستى الەۋمەتتىك باسىمدىقتاردىڭ تابىستى شەشىلۋى بايلانىستى. ابىرويلى دا جاۋاپتى جۇمىستارىڭىزعا تابىس تىلەي وتىرىپ, سىزدەردىڭ دەندەرىڭىزدىڭ ساۋ, وتباسىلارىڭىزدىڭ امان بولۋىنا تىلەكتەسپىن», - دەدى ا.كولگىنوۆ.
