قاراعاندى وبلىستىق ءبىلىم بەرۋدى دامىتۋدىڭ وقۋ-ادىستەمەلىك ورتالىعى ديرەكتورىنىڭ تاربيە جۇمىسى جونىندەگى ورىنباسارى گۇلميرا كوپباەۆانىڭ ايتۋىنشا, الداعى ۋاقىتتا نزم باعدارلاماسى بويىنشا جۇمىس ىستەيتىن مەكتەپتەر سانى ارتا تۇسەدى.
– مۇعالىمدەردىڭ بىلىكتىلىگى ءوستى, مەكتەپتەر جاڭا وقۋ باعدارلامالارىنا كوشەدى, مۇنىڭ بارلىعى جاقسى ناتيجە بەرە باستادى, دەيدى گ. كوپباەۆا.
جوعارىدا ايتقانداي, 2019-2020 جىلعى جاڭا وقۋ جىلىنان باستاپ قاراعاندىداعى №№33, 85, «مۇراگەر» مەكتەپتەرى مەن №3 گيمنازيا نزم تاجىريبەسىن پايدالانا باستايدى. سونىمەن قاتار بالقاشتاعى №16 مەكتەپ. ساتباەۆ قالاسىنداعى اباي اتىنداعى №4 مەكتەپ-ليتسەي, شاحتينسك قالاسىنداعى № 11 مەكتەپ, اقتوعاي اۋدانىنداعى سارىشاعان كەنتىنىڭ مەكتەبى, بۇقار جىراۋ اۋدانىنداعى كەرنەي ورتا مەكتەبى, قارقارالى اۋدانىنىڭ ەگىندىبۇلاق كەنتىندەگى № 5 مەكتەپ, جاڭاارقا اۋدانىنداعى ب. امالبەكوۆ اتىنداعى مەكتەپ, نۇرا اۋدانىنداعى № 2 قازاق مەكتەبى جانە شەت اۋدانىنداعى ش. باتتالوۆا اتىنداعى ورتا مەكتەپ جاڭا باعدارلاما بويىنشا بالا وقىتۋدى باستايدى.
جالپى, قاراعاندى وبلىسىندا نازارباەۆ زياتكەرلىك مەكتەپتەرىنىڭ وقۋ باعدارلاماسى 52 مەكتەپتە پايدالاناتىن بولادى.
قاراعاندى وبلىسى
