وڭ شەشىمگە پلانەتامىزدىڭ, ۇرپاقتارىمىزدىڭ بولاشاعى تاۋەلدى
جۇما, 1 ناۋرىز 2013 8:01
بارلىعىمىز يراننىڭ يادرولىق باعدارلاماسى بويىنشا جۇرگىزىلگەن كەلىسسوزدەر بارىسىن مۇقيات قاداعالادىق. ءويتكەنى, اتالعان ماسەلەگە بۇكىل پلانەتامىزدىڭ, بالالارىمىزدىڭ بولاشاعى تاۋەلدى. مۇنداي ايتۋلى باسقوسۋدىڭ ناق قازاقستاندا, ونىڭ اسا ءىرى مەگاپوليسى الماتىدا ءوتۋىنىڭ نىشاندىق ءمانى بار. ويتكەنى, قالانىڭ رۋحاني اۋانىنىڭ ءوزى بارشانى تىنىشتىققا, تاعاتتىلىققا شاقىرىپ تۇرعانداي اسەر قالدىرادى. وسىنداعى كەلىسسوز ۇستەلىنە وتىرعان ادامدار ناتيجەلى ۇنقاتىسۋعا ءاركەز دايىن بولسا ەكەن دەپ تىلەگەنىمىز دە راس. وسىنداي كۇردەلى دە شەتىن ماسەلەدە ادامداردىڭ ءبىر-ءبىرىن تىڭداي ءبىلۋى, تۇسىنە ءبىلۋى ۇلكەن ءرول اتقاراتىنى تاعى انىق.
جۇما, 1 ناۋرىز 2013 8:01
بارلىعىمىز يراننىڭ يادرولىق باعدارلاماسى بويىنشا جۇرگىزىلگەن كەلىسسوزدەر بارىسىن مۇقيات قاداعالادىق. ءويتكەنى, اتالعان ماسەلەگە بۇكىل پلانەتامىزدىڭ, بالالارىمىزدىڭ بولاشاعى تاۋەلدى. مۇنداي ايتۋلى باسقوسۋدىڭ ناق قازاقستاندا, ونىڭ اسا ءىرى مەگاپوليسى الماتىدا ءوتۋىنىڭ نىشاندىق ءمانى بار. ويتكەنى, قالانىڭ رۋحاني اۋانىنىڭ ءوزى بارشانى تىنىشتىققا, تاعاتتىلىققا شاقىرىپ تۇرعانداي اسەر قالدىرادى. وسىنداعى كەلىسسوز ۇستەلىنە وتىرعان ادامدار ناتيجەلى ۇنقاتىسۋعا ءاركەز دايىن بولسا ەكەن دەپ تىلەگەنىمىز دە راس. وسىنداي كۇردەلى دە شەتىن ماسەلەدە ادامداردىڭ ءبىر-ءبىرىن تىڭداي ءبىلۋى, تۇسىنە ءبىلۋى ۇلكەن ءرول اتقاراتىنى تاعى انىق.
ارينە, وسىنىڭ بارىندە ءوزىنىڭ كوپتەگەن بەيبىت باستامالارىمەن تانىلعان وتانىمىزدىڭ پرەزيدەنتى نۇرسۇلتان نازارباەۆتىڭ ۇلكەن ەڭبەگى بار دەپ ايتۋ ءلازىم. پرەزيدەنت كەز كەلگەن پروبلەمانى شەشۋگە ۇلكەن دايىندىقپەن عانا ەمەس, ۇلكەن تۇسىنىستىكپەن دە كەلگەن ۇتىمدى دەپ سانايدى. بۇل – ەلباسىنىڭ جالپى ساياساتىنا ءتان قاسيەت. ەلىمىز يادرولىق قارۋدى پايدالانۋدان العاش بولىپ ءوز ەركىمەن باس تارتتى. وسىنداي ادامگەرشىلىككە لايىق ۇلگىگە باسقا مەملەكەتتەر مەن حالىقتار دا دەن قويسا يگى. جالپى, وتانىمىز ءوزىنىڭ كوپۇلتتى دوستىعىمەن, كەلىسىمىمەن, وزگە ۇلتتاردىڭ مادەنيەتىن قابىلداي ءبىلۋىمەن الەمگە بەلگىلى. بۇل كەزدەسۋ مەملەكەتىمىزدىڭ جاھاندىق اۋقىمداعى پروبلەمالاردى شەشۋدە تاپتىرمايتىن ورىن ەكەنىن تاعى ءبىر مارتە ايعاقتاپ بەردى عوي دەپ ويلايمىن.
كەلىسسوزدەردىڭ كەلەسى كەزەڭىن الماتىدا وتكىزۋ تۋرالى شەشىم قابىلدانۋى ءبىزدىڭ مارتەبەمىزدى تاعى ءبىر مارتە كوتەرىپ تاستادى. قوناقجاي دا مەيماندوس ەلىمىز مامىلەلەسۋشى تاراپتاردى ءوز جەرىندە قابىلداۋعا اركەز دايىن جانە وسىنداي ماڭىزدى ماسەلەنىڭ بەيبىتشىلىك پەن جەر بەتىندەگى تىنىشتىقتىڭ پايداسىنا شەشىلۋى ءۇشىن قولىنان كەلگەنىنىڭ ءبارىن جاسايتىنى كۇمانسىز.
نينا قايۋپوۆا,
قازاقستان رەسپۋبليكاسىنىڭ ەڭبەك سىڭىرگەن قايراتكەرى,
مەديتسينا عىلىمدارىنىڭ دوكتورى,
پرەزيدەنتتىڭ بەيبىتشىلىك جانە رۋحاني
كەلىسىم سىيلىعىنىڭ لاۋرەاتى.
