قالتا ۇرلىعىنىڭ باسىم بولىگى ورال قالاسىندا تىركەلگەن. مىسالى, شىلدەنىڭ 31 كۇنى كۇندىز بەلگىسىز بىرەۋ قالاداعى ساۋدا ۇيلەردىڭ بىرىندە 1967 جىلى تۋعان ازاماتشانىڭ سومكەسىنەن جاسىرىن تۇردە «كاسپي گولد» بانكومات كارتاسىن ۇرلاپ العان. قولدانىلعان شارالار بارىسىندا 1980 جىلى تۋعان. ازامات انىقتالىپ, ۇستالدى. وسىعان ۇقساس جاعداي شىلدەنىڭ 21-ءى كۇنى مۇحيت كوشەسىنىڭ بويىنداعى «بەرەكە» دۇكەنىنىڭ جانىندا بولعان. ۇرى 50 جاسار قالا تۇرعىنىنىڭ سومكەسىنەن «حالىق بانكى» بانكومات كارتاسىن ۇرلاپ الىپ, ىلە-شالا كارتادان 11 مىڭ تەڭگەنى «سۋىرىپ» العان. جەدەل-ىزدەستىرۋ ءىس-شارالارى ناتيجەسىندە 1993 جىلى تۋعان ازاماتشا انىقتالىپ, ۇستالدى. ۇرلانعان زات تاركىلەندى.
- اتالعان ەكى فاكتى بويىنشا قازاقستان رەسپۋبليكاسى قىلمىستىق كودەكسىنىڭ 188-بابى 1-بولىمىنە سايكەس قىلمىستىق ءىس قوزعالدى. تەرگەۋ جۇرگىزىلۋدە, - دەيدى پوليتسيا دەپارتامەنتى ءباسپاسوز قىزمەتكەرى اسىلاي عۇباشەۆا.
پوليتسيا تۇرعىنداردى حالىق كوپ جينالاتىن قوعامدىق ورىنداردا مۇقيات بولۋعا شاقىرىپ, قالتا ۇرلىعىنا تاپ بولعان جاعدايدا دەرەۋ پوليتسياعا حابارلاسۋ قاجەتتىگىن ەسكەرتۋدە.
باتىس قازاقستان
