بۇل – Short Brothers جانە Arizona Productions كومپانيالارىنىڭ قاتىسۋىمەن Astana Film Fund كومپانياسى جاساعان كارتينانىڭ الەمدىك پرەمەراسى. فيلمدە باستى رولدەردى دانيار الشينوۆ پەن دينارا باقتىباەۆا وينايدى.
– «قاپ-قارا ادام» – ءومىردىڭ ءتۇرلى سىناقتارىندا وزگەرىپ, قايتا ادام بولاتىن كەيىپكەر تۋرالى فيلم. تۋىندىعا ارقاۋ بولعان وقيعا تالاي رەت ايتىلىپ, سانداعان سيۋجەتكە ارقاۋ بولىپ جۇرگەنىمەن دە, مەن ءۇشىن بۇل تاقىرىپ قاشاندا قىزىق. ءاردايىم تولعاندىرىپ جۇرگەن وزەكتى ماسەلەلەردىڭ ساناتىندا. جانر بويىنشا جىكتەيتىن بولساق, مەنىڭ ءفيلمىم – انتي-دەتەكتيۆ», دەيدى ءتول تۋىندىسى جونىندە كينورەجيسسەر ءادىلحان ەرجانوۆ.
ەستەرىڭىزگە سالا كەتەيىك, اتالعان كارتينا وتكەن جىلى Almaty Film Festival كينوبايقاۋى اياسىندا وتكەن پيتچينگ جوبالارىنىڭ جەڭىمپازى اتانعان بولاتىن. فيلم پروديۋسەرلەرى – اقان ساتاەۆ پەن ەرنار قۇرماشەۆ, كومپوزيتورى – عالىمجان مولدانازار. ستسەناريدى جاساۋ ءۇشىن ءادىلحان ەرجانوۆ پەن نيدەرلاندتىق رولوف يان ميننەبوو بىرلەسە جۇمىس ىستەدى.
وتاندىق ءونىمنىڭ كينوبايقاۋدان توپ جارىپ, ەلگە ولجالى ورالۋىنا تىلەكتەسپىز.
