پارتيالىق ىقپالدىڭ قايتارىمى كەرەك
سارسەنبى, 27 اقپان 2013 7:43
«نۇر وتان» حالىقتىق-دەموكراتيالىق پارتياسى توراعاسىنىڭ ءبىرىنشى ورىنباسارى باۋىرجان بايبەك 26 اقپاندا جۇمىس بابىنداعى ساپارمەن اقمولا وبلىسىندا بولدى.
ب.بايبەك الدىمەن بۋراباي اۋدانىنداعى «جاڭا-باس» ەت وڭدەۋ كەشەنىنە باردى. ونىڭ سوزىنە قاراعاندا, جاڭا تۇرپاتتى كاسىپورىنعا بۇرىلۋدىڭ وزىندىك سەبەبى بار ەكەن.
سارسەنبى, 27 اقپان 2013 7:43
«نۇر وتان» حالىقتىق-دەموكراتيالىق پارتياسى توراعاسىنىڭ ءبىرىنشى ورىنباسارى باۋىرجان بايبەك 26 اقپاندا جۇمىس بابىنداعى ساپارمەن اقمولا وبلىسىندا بولدى.
ب.بايبەك الدىمەن بۋراباي اۋدانىنداعى «جاڭا-باس» ەت وڭدەۋ كەشەنىنە باردى. ونىڭ سوزىنە قاراعاندا, جاڭا تۇرپاتتى كاسىپورىنعا بۇرىلۋدىڭ وزىندىك سەبەبى بار ەكەن.
«نۇر وتان» حدپ بۋراباي اۋداندىق فيليالىندا جەرگىلىكتى تۇرعىندارمەن بايلانىس كۇن وتكەن سايىن نىعايىپ كەلەدى. قوعامدىق قابىلداۋعا جۇگىنۋشىلەر قاتارى قالىڭداعان. وتكەن جىلى فيليالداعى پارتيالىق باقىلاۋ بەكەتى رەسپۋبليكامىزدا ۇزدىك تانىلۋى دا جۇرتشىلىقتىڭ جەتەكشى پارتياعا سەنىمىن عانا ەمەس, بىرلەسىپ ءىس-قيمىل جاساۋ جۇيەسىن كۇشەيتتى دەۋگە بولادى. «جاڭا-باسقا» اتباسىن بۇرۋدىڭ استارىندا جاڭا ءوندىرىس ورنىنىڭ ەكى جىلدان استام ۋاقىت بويى ءونىم شىعارا الماي وتىرعانىنا بايلانىستى دابىل اسەر ەتكەن كورىنەدى.
اۋدانعا ابىروي قوسقان «بوگۆي» اۋىل شارۋاشىلىعى فيرماسى 2008 جىلى وسىناۋ ەت كومبيناتىن ىسكە قوسقان ەدى. بۇل – كلاستەرلىك تىزبەنى قامتاماسىز ەتە بىلگەن ءوندىرىس وشاعى. كەشەندە اۆستريالىق وزىق فيرمانىڭ جابدىقتارى ورناتىلعان. مۇندا ءار اۋىسىمدا 10 توننا ەت ءوندىرىلىپ, شۇجىقتىڭ 49 ءتۇرى, بۇعان قوسىمشا 3 توننا ەت ءونىمدەرى شىعارىلا باستاعانىن گازەت وقىرماندارىنا جەتكىزگەنبىز. قازىر ءوڭىردەگى ءىرى كاسىپورىن توقتاپ تۇر. جۇمىسشىلاردىڭ باسىم بولىگى ءۇيلەرىندە وتىر. كاسىپورىن باسشىلارى كۇردەلى جاعدايدى اينالىم قاراجاتىنىڭ جەتپەيتىندىگىمەن بايلانىستىرادى.
اتالعان ماسەلەگە قاتىستى «نۇر وتان» حدپ توراعاسىنىڭ ءبىرىنشى ورىنباسارى اۋىل شارۋاشىلىعى ۆيتسە-ءمينيسترى مارات تولەۋباەۆتىڭ, «قازاگرو» ۇلتتىق كومپانياسىنىڭ باسقارما توراعاسى دۋلات ايتجانوۆتىڭ, «قازاقستاننىڭ دامۋ بانكى» ااق باسقارما توراعاسىنىڭ ورىنباسارى ميرجان قاراقۇلوۆتىڭ جانە اقمولا وبلىسىنىڭ اكىمى قوسمان ايتمۇحامەتوۆتىڭ قاتىسۋىمەن ءماجىلىس وتكىزىپ, تۇيىقتان شىعۋ شارالارى قاراستىرىلدى.
كوكشەتاۋ قالاسىنا قاراستى كراسنىي يار اۋىلىنداعى №3 قازاق ورتا مەكتەبىندە دە كوڭىل جەلپىنتەرلىك قادام جاسالدى دەگىمىز كەلەدى. ءبىلىم ۇياسى بۇرىنعى اۋداندىق پارتيا كوميتەتىنىڭ عيماراتىنا ورنالاسقاندىقتان, كوپتەگەن قولايسىزدىقتار كوزگە ۇرىپ تۇر. وبلىس, قالا باسشىلىعى مەكتەپتى قايتا قۇرۋ جۇمىستارىن 2013 جىلى اياقتاۋدى جوسپارلاعان ەكەن. مۇندا دا ب.بايبەك پارتيالىق ىقپالدى كەڭەيتۋ ارقىلى ماسليحاتتارداعى فراكتسيا مۇشەلەرىنىڭ بەلسەندىلىگىنە سۇيەنە وتىرىپ, بيۋدجەتتەن ءتيىستى قارجىنىڭ ءبولىنۋىن قامتاماسىز ەتۋ جۇمىستارىن جانداندىرۋعا ۇسىنىس جاسادى. ۇسىنىس ءوڭىر باسشىلارى تاراپىنان قولداۋ تاۋىپ, كەڭەيتىلگەن مەكتەپ الداعى وقۋ جىلىندا دايىن بولادى دەگەن ءۇمىت بار. قازىرگى مەكتەپ بالاباقشا تۇرىندە بالعىنداردىڭ شۋاقتى كۇلكىسىنە تولماق.
ەلىمىزدەگى جەتەكشى پارتيا ءتوراعاسىنىڭ ءبىرىنشى ورىنباسارى وبلىس ورتالىعىنداعى «نازارباەۆ زياتكەرلىك مەكتەبىندە» بولىپ, «جاس وتان» جاستار قاناتىنىڭ جەتەكشىلەرىمەن, وقۋ وزاتتارىمەن پىكىر الماستى.
«نۇر وتان» حدپ توراعاسىنىڭ ءبىرىنشى ورىنباسارى ب.بايبەك سونداي-اق پارتيانىڭ وبلىستىق فيليالىنىڭ كەزەكتەن تىس ءحVى كونفەرەنتسياسىنا قاتىستى. كونفەرەنتسيادا «نۇر وتان» حدپ اقمولا وبلىستىق فيليالىنىڭ ءتوراعاسى بولىپ وبلىس اكىمى قوسمان ايتمۇحامەتوۆ سايلاندى.
باقبەرگەن امالبەك,
«ەگەمەن قازاقستان».
اقمولا وبلىسى.
