قوعام • 07 تامىز، 2019

ەلوردا اكىمى ۇلتتىق ۇلاننىڭ وتباسىلارىمەن كەزدەستى

133 رەت كورسەتىلدى

قالا اكىمى التاي كولگىنوۆ قاراوتكەل (يلينكا) كەنتىندە ورنالاسقان ۇلتتىق ۇلاننىڭ اسكەري بولىمىنە باردى. بۇل تۋرالى اكىمدىكتىڭ ءباسپاسوز قىزمەتى حابارلادى.

اۋماقتا اسكەري قىزمەتشىلەردىڭ وتباسىلارىنا ارنالعان 104 پاتەرلىك تۇرعىن ءۇي سالىندى. جالپى العاندا 350-دەن استام ادام تۇرادى. قالاشىقتىڭ اۋماعى 20 گەكتاردى قۇرايدى.

قالا اكىمىمەن كەزدەسۋ بارىسىندا تۇرعىندار كوشە جارىقتارى، ءدارىحانالار مەن جاياۋ جۇرگىنشىلەر وتپەلەرى جوق ەكەنىن، سونداي-اق قوعامدىق كولىكپەن پروبلەمالار بار ەكەنىن اتاپ ءوتتى.

تۇرعىنداردىڭ ايتۋىنشا، كوپتەگەن وتباسىندا بالالار ءوسىپ كەلەدى، سوندىقتان مەكتەپتە ورىن جەتكىلىكسىز.

قاراوتكەل كەنتى

«كەلەسى جىلعا جوسپارلانعان جوبالىق-سمەتالىق قۇجاتتامانى دايىنداۋ قاجەت. ايتقان ۇسىنىستارىڭىز ەسكەرىلەتىن بولادى. ماسەلەلەردى جان-جاقتى زەرتتەيمىز»، دەدى ا. كولگىنوۆ. اسكەري ءبولىمنىڭ اۋماعىندا ءۇش كازارما، شتاب عيماراتى، كۇرەس جانە جاتتىعۋ زالدارى بار ەكى قاباتتى سپورت كەشەنى، ەكى اسحانا، ويىن سپورت الاڭدارى، مۋلتيمەديالىق اتۋ ءتيرى ورنالاسقان. سونداي-اق لازارەت، كينولوگيالىق قالاشىق جانە مادەني-ساۋىق ورتالىعى بار.

سوڭعى جاڭالىقتار

ۇقساس جاڭالىقتار