مىسالى, ونىڭ كارتاداعى كەزەكتى مارشرۋتى مەكسيكالىق سۋرەتشى فريدا كالونىڭ پورترەتى رەتىندە كورىندى. مۇنى جاساۋ ءۇشىن جەلاياق جىگىت 47 شاقىرىم اۋماقتى التى ساعات ىشىندە جۇگىرىپ وتكەن. وسىلايشا ول سوڭعى ءتورت جىلدا باس-اياعى 54 سۋرەت قۇراستىرىپ شىققان. راۋشان گ ۇلى, تولقىندى شاشىن سامال تەربەتكەن بويجەتكەن, قۇيرىعىن تىكتەگەن مىسىق سياقتى تاماشا ونەر تۋىندىلارىمەن تالايلاردى تاڭعالدىرعان «سۋرەتشى» سان-فرانتسيسكونىڭ 20 جىلدان بەرگى تۇرعىنى. ونىڭ شىعارماشىلىعىنا ارقاۋ بولعان تاقىرىپتار دا وسىناۋ اسەم قالانىڭ تاريحىمەن استاسىپ جاتىر. العاشقى تەلەديدار, كاليفورنياداعى ورماندى ورتتەن قۇتقارۋشىلاردىڭ دۋلىعاسىنىڭ بەينەسى ونىڭ تابان ىزىنەن سۋسىپ ءتۇسىپ جاتسا, بەتمەن سيمۆولى قالانىڭ ەڭ تاماشا ورتاڭعى بولىگىن قامتيدى.
«سان-فرانتسيسكو كوشەلەرى مەن ءۇشىن كەنەپ بەتىندەي. ءبىر-بىرىنە جالعاسقان كوشەلەر ارقىلى ءتۇرلى فيگۋرالاردى ويلاپ تابامىن. اسپانداعى اق بۇلتتان ءتۇرلى بەينەلەر جاساپ الاتىن بالانىڭ ءىسى سياقتى, قىزىق دۇنيە», دەيدى جەلاياق «سۋرەتشى».
