رۋحانيات ورداسىنىڭ جازعى ماۋسىمداعى باعدارلامالارى قىزىقتى مازمۇنمەن ساباقتاسىپ, كىتاپحانا ماماندارى جاس وقىرمانداردىڭ بوس ۋاقىتىن ءتيىمدى پايدالانۋعا بارىنشا ىقپال ەتتى. كىتاپحانادا قوناقتا بولعان گەتە ينستيتۋتىنىڭ ديرەكتورى ەۆا شميت, گەرمانيادان كەلگەن رەگينا انحۋت-فرام مەن كەرستين ۆەسەندورف جانە گەتە ينستيتۋتىنىڭ كىتاپحانا جانە اقپارات ءبولىم باسشىسى شولپان قىزايباەۆا جامبىل كىتاپحاناسىنىڭ جاڭارعان زاماناۋي قورىمەن تانىسىپ, مەكتەپ جاسىنداعى بالالارعا قاجەتتى ادەبيەتتەردىڭ بارىسىمەن تانىستى. ارنايى ۇيىمداستىرىلعان ەكسكۋرسيا بارىسىندا شەتەلدىك ارىپتەستەر ءوز ەلدەرىندەگى كىتاپحانا تاجىريبەسىمەن ءبولىسىپ, الداعى ۋاقىتتا بىرلەسە قىزمەت جاساۋعا كەلىسىم جاسادى.
جازعى ۋاقىتتى كىتاپحانادا وتكىزۋدىڭ تاعى ءبىر ءتيىمدى تۇسى وقىرماندار اراسىندا ۇيىمداستىرىلعان شاحمات ءتۋرنيرى بولدى. تۋرنير الاڭىندا جاس وقىرماندار ءبار-بىرىمەن سايىسقا تۇسۋمەن قاتار, جاڭا دوستار تاۋىپ, قىزىقتى پىكىرلەرىمەن ءبولىستى. جازعى ۋاقىتتا كىتاپحانا قىزمەتكەرلەرى كولونيا تاربيەلەنۋشىلەرىن دە نازاردان تىس قالدىرمادى. لا 155/6 جاسوسپىرىمدەر كولونياسىندا وتكەن ءىس-شارا مەن ارنايى كىتاپ كورمەسى تاربيەلەنۋشىلەرگە رۋحاني دەمالىس سىيلادى. ولار وزدەرى وقىعان كىتاپتارى جايلى بايانداپ, ولەڭدەر وقىپ, ءان شىرقادى.
الماتى
