مۋزەي مەڭگەرۋشىسى ايگەرىم سەرىكتىڭ ايتۋىنشا, كورمە ەكسپوزيتسياسىنان اباي قۇنانباي ۇلىنىڭ, جامبىل جاباەۆتىڭ كىشى كولەمدى قازاق تىلىندەگى, شىعىس عۇلامالارىنىڭ, سونداي-اق قاسيەتتى قۇران كىتاپتارىن, الەمدىك ادەبيەتتىڭ كورنەكتى وكىلدەرى ا.س.پۋشكين, م.گوركي, ل.تولستويدىڭ, دانتە اليگەري, ۋيليام شەكسپير, دەنني ديدرو كىتاپتارىن كەزدەستىرگە بولادى.
«عىلىم ورداسى» سيرەك كىتاپتار مۋزەيىنىڭ كىشى عىلىمي قىزمەتكەرى ا.جۇمابەكوۆتىڭ ىقشام كىتاپتاردىڭ تاريحىنا قاتىستى زەرتتەۋلەرىنە سۇيەنەتىن بولساق, دۇنيە جۇزىندە ميكروسكوپتىڭ كومەگىمەن عانا وقيتىندارى دا كەزدەسەدى. ونداي نانو-كىتاپتار ساناتىنا 70 مكم/100 مكم كولەمىندەگى مونوكريستالدى كرەمني چيپىنە باسىلعان «تەرنيپ قالاسىنان كەلگەن كىشكەنتاي تەد» كىتابى جاتادى. ەۋروپا ەلدەرى, سونداي-اق امەريكادا ىقشام كىتاپتاردىڭ كولەمى 3 ديۋيم نەمەسە 76 مم بولسا, پوستكەڭەستىك ەلدەردە 100 مم قۇرايدى. تىپتەن, كولەمى 10ح10 مم اسپايتىن كىتاپتار دا كەزدەسەدى. بۇگىندە گيننەستىڭ رەكوردتار كىتابىنا نانو-كىتاپتارعا جاتپايتىن شاعىن چيپكە سىيىپ كەتەتىن باسىلىمدار دا كىرەدى.
شاعىن كولەمدى كىتاپتار تاريحىن زەرتتەيتىن تاريحشىلار بۇل كىتاپتاردىڭ العاشقى نۇسقالارىن 4000 جىل بۇرىن ۆاۆيلوندا تابىلعاندىعىمەن بايلانىستىرادى. انتيكالىق ءداۋىر دەرەكتەرىندە, اتاپ ايتار بولساق, 37 كىتاپتان تۇراتىن ءپلانيدىڭ «تاريح» شىعارماسىندا 15 686 شۋماقتان تۇراتىن گومەردىڭ «يلياداسىنىڭ» جاڭعاق قابىعىنا سيارلىق پەرگامەنتتەرىندەگى نۇسقاسى اتالادى. باسپا ماشينالارى پايدا بولعانعا دەيىن كوپ تارالىممەن باسىلماستان بۇرىن مۇنداي كىتاپتار جوعارى ساناتتى ونەر تۋىندىسى سانالعان. ياعني, جاسالۋ تەحنيكاسىنىڭ كۇردەلىلىگى, ەستەتيكالىق بەينەسى, قولايلىلىعى, بەزەندىرىلۋى جوعارى باعالانىپ, كوللەكتسيونەرلەردىڭ پايداسىنا اسقان. باستاپقىدا كىشى كولەمدەگى دۇعا كىتاپتارى باسىلعان.
شاعىن كىتاپتار كورمەسىمەن قىركۇيەك ايىنىڭ سوڭىنا دەيىن تانىسۋعا بولادى.
