پارلامەنت • 31 شىلدە، 2019

جايىق وزەنىنىڭ ەكوجۇيەسى الاڭداتادى

420 رەت كورسەتىلدى

پارلامەنت سەناتىنىڭ دەپۋتاتتارى عۇمار دۇيسەمباەۆ، ەربولات مۇقاەۆ جانە سارسەنباي ەڭسەگەنوۆ باتىس قازاقستان وبلىسىنداعى جۇمىس ساپارى بارىسىندا جايىق وزەنى باسسەينىنىڭ ەكولوگياسىن جاقسارتۋ مالەلەلەرىن تالقىلادى. بۇل تۋرالى قازاقستان رەسپۋبليكاسى پارلامەنتى سەناتىنىڭ ءباسپاسوز قىزمەتى حابارلادى.

پارلامەنت سەناتىنىڭ دەپۋتاتى ءارى ورال وزەنى باسسەينىنىڭ ەكوجۇيەسىن ساقتاۋ جونىندەگى ترانسشەكارالىق كوميسسيانىڭ مۇشەسى عۇمار دۇيسەمباەۆ اتىراۋ وبلىسىنداعى سۋعا قاتىستى كۇردەلى جاعدايدى ەرەكشە اتاپ ءوتتى.

«اتىراۋ وبلىسىندا 600 مىڭنان استام تۇرعىن بار، دەگەنمەن وندا جەر استى سۋ كوزى جوق، كەيبىر ەلدى مەكەندەردە سۋدى ساعات بويىنشا بەرەدى. مۇنداي جاعدايدا ءتىپتى اۋىل شارۋاشىلىعى تۋرالى ايتۋ مۇمكىن ەمەس. وندا ورماننىڭ 30 پايىزى قۋراپ قالدى، 5-6 مەتر تەرەڭدىككە دەيىن قازعاندا سۋ كورىنە باستايدى، اعاش تامىرى 2-3 مەتر تەرەڭدىكتەن ىلعال الادى. سۋ جايىلىپ كەتەتىن شالعىندار تاقىرعا اينالدى. بالىقتىڭ ۋىلدىرىق شاشاتىن 134 ورنى بولعان، قازىر تەك 10-ى عانا قالدى. جايىق ساعاسى مەن كاسپيدىڭ كوپشىلىك جەرىنىڭ تايىزدىعى 30 سانتيمەترگە جەتتى. ءبىر كەزدەرى جايىق كەمە جۇزەتىن وزەن بولدى، ال قازىر جاياۋلاپ كەشىپ وتەتىن حالگە كەلدىك»، دەدى عۇمار دۇيسەمباەۆ.

جايىقتىڭ رەسەي اۋماعىنداعى جاعدايى دا وڭىپ تۇرعان جوق. ورىنبوردان كەلگەن رەسەيلىك دەلەگاتسيانىڭ وكىلدەرى قالا اۋماعىنداعى جايىق لايلانىپ، بالدىر باسىپ بارا جاتقانىن ايتتى. رەسەيلىك ەكولوگتاردىڭ دەرەگىنشە، وزەننىڭ دەڭگەيى جىل سايىن تومەندەپ بارادى.

كەزدەسۋ سوڭىندا ء«بىزدىڭ جايىق - ناش ۋرال» قوعامدىق ەكولوگيالىق بىرلەستىگى مەن «رەسەي ەكولوگيالىق قوعامى» تابيعي رەسۋرستاردى قورعاۋ جونىندەگى جالپىرەسەيلىك قوعامدىق ۇيىمى اراسىندا تابيعاتتى قورعاۋ سالاسىنداعى مەملەكەتارالىق ىنتىماقتاستىق تۋرالى ەكى جاقتى كەلىسىمگە قول قويىلدى.

سوڭعى جاڭالىقتار

شابىت شاقىراتىن شاھار

ەلوردا • بۇگىن، 08:23

اقجايناق استانا

ەلوردا • بۇگىن، 08:22

وزىق ءوندىرىس ورنىندا بولدى

ايماقتار • بۇگىن، 08:20

باعدارىڭ قالاي، باس قالا؟

ەلوردا • بۇگىن، 08:17

ديماش پەن دجەكسون

ونەر • بۇگىن، 08:10

ۇتقانىمىز شامالى بولىپ تۇر

قوعام • بۇگىن، 08:05

ۇقساس جاڭالىقتار