جولداۋ – بارشا قازاقستاندىقتىڭ يگىلىگى
سەنبى, 5 قاڭتار 2013 8:19
ەلباسى نۇرسۇلتان نازارباەۆتىڭ قازاقستان حالقىنا جولداۋىندا الەمنىڭ الدىڭعى قاتارلى دامىعان ەلۋ ەلىنىڭ قاتارىنان كورىنۋگە باعىتتالعان بارلىق باعدارلاما قامتىلىپ وتىر. بۇگىنگى كۇنگە دەيىن بىزدە مەملەكەتتىك مىقتى جۇيە قالىپتاسۋىمەن قاتار, كەلەشەككە نەگىزدەلگەن دامۋشى بەكەم باعىت تا قالىپتاسىپ ۇلگەرگەنى اقيقات.
سەنبى, 5 قاڭتار 2013 8:19
ەلباسى نۇرسۇلتان نازارباەۆتىڭ قازاقستان حالقىنا جولداۋىندا الەمنىڭ الدىڭعى قاتارلى دامىعان ەلۋ ەلىنىڭ قاتارىنان كورىنۋگە باعىتتالعان بارلىق باعدارلاما قامتىلىپ وتىر. بۇگىنگى كۇنگە دەيىن بىزدە مەملەكەتتىك مىقتى جۇيە قالىپتاسۋىمەن قاتار, كەلەشەككە نەگىزدەلگەن دامۋشى بەكەم باعىت تا قالىپتاسىپ ۇلگەرگەنى اقيقات.
جولداۋدىڭ بارلىق تاراۋلارى مەملەكەتتىڭ مىعىم ءمۇم-كىنشىلىگىن ايقىن كورسەتىپ, نىسانا ەتكەن ناقتى جەتىستىككە اپارار ءتۇزۋ جولدى نۇسقاپ وتىر. ول نىسانا – جاڭا الەمدە دامىعان, جاڭارعان قازاق ەلى. مەملەكەتتىك نەگىزدى قالىپتاستىراتىن بىردە-ءبىر ەكونوميكالىق ساۋال قالماعاندىعىنا وسى جولداۋمەن جاقىنىراق تانىسقاندا ءتانتى بولدىم. اسىرەسە, مەملەكەتتىڭ الەۋەتىن تانىتاتىن الەۋمەتتىك سالاعا ەكپىن ءتۇسىرىلىپ, قاراپايىم قازاقستاندىقتاردىڭ تۇرمىسىن ارتتىرۋ ارقىلى مىناداي داعدارىس زاماندا وزگە ەلدەردىڭ الدىنا شىعۋ ماسەلەسى وتە ورىندى قوزعالىپ وتىر دەر ەدىم.
ماعان قوعام قايراتكەرى ءارى عالىم رەتىندە قازاقستانداعى عىلىم تاقىرىبى ەرەكشە ەتەنە. جولداۋدا ەل ەكونوميكاسىنا جاڭا تەحنولوگيالاردى ساۋاتتى ەنگىزۋ مەن وزگە ەلدەردەن تاجىريبە جيناقتاعان بىلىكتى جاس ماماندارعا قامقورلىق تانىتۋ ماسەلەسى تياناقتى قوزعالعانى ءوزىمدى اسا قۋانتىپ تاستادى. سون-داي-اق, ەلباسى قازاقستان حالقى اسسامبلەياسىنىڭ بۇگىنگى اتقارىپ كەلە جاتقان ەڭبەگىنە وتە جاقسى باعا بەرىپ, كوپۇلتتى رەسپۋبليكامىزدىڭ بارشا حالقىن ءبىر مۇددەگە شاقىرىپ وتىرعان وسى كيەلى شاڭىراق جايلى سارابدال پىكىرىن جاريا ەتتى. ەلباسىنىڭ سوزىنە قاراپ, شىنىندا دا قازىرگى تاڭدا حالىقارالىق ۇي-ىمدار تاراپىنان قولداۋ تاپقان قازاقستان حالقى اسسامبلەياسىنىڭ قوعامداعى ءرولىن ارتتىرۋ كەرەك ەكەندىگىن ىشتەي تۇيسىندىك. وسى وتاندىق ۇيىم ەلىمىزدەگى بارشا ۇلتتىڭ باسىن قوسىپ قانا قويماي, بۇگىنگى ۇرپاقتى وتانسۇيگىشتىككە, مادەني-اعارتۋشىلىق تاربيەگە باۋلىپ وتىرعانى راس.
سۇلتان وزدوەۆ,
قوعامدىق عىلىمدار اكادەمياسىنىڭ اكادەميگى,
«ۆوشيل-باۋىرلاستىق» ينگۋش مادەني
بىرلەستىگىنىڭ توراعاسى.
الماتى.
