سەناتورلار اقتوعاي اۋىلدىق وكرۋگىندە ورنالاسقان سۋارمالى ۋچاسكەلەردە, ەگىستىك القاپتارىندا جانە ءوندىرىس نىساندارىندا بولدى. وسىمدىك شارۋاشىلىعى ونىمدەرىن ءوندىرۋ كولەمىن ارتتىرۋ ماقساتىندا ساقتاۋ قويمالارىن سالۋدى جالعاستىرۋ جانە دامۋدىڭ باسقا دا وزەكتى ماسەلەلەرى تالقىلاندى.
دەپۋتاتتار اقتوعاي اۋىلدىق وكرۋگىنىڭ حاركوۆكا, پريرەچەنسكوە سەلولارىنىڭ اۋماعىندا بولىپ, شارۋا قوجالىقتارىنىڭ باسشىلارىمەن كەزدەستى جانە ەگىستىكتىڭ جاي-كۇيىن قاراپ, شارۋاشىلىقتاردى دامىتۋدىڭ الداعى جوسپارلارى تۋرالى اڭگىمەلەستى.
سەناتورلار ماناپ كوبەنوۆ پەن نۇرجان نۇرسيپاتوۆ اقتوعاي اۋدانىنداعى جۇمىس ساپارىن قورىتىندىلاي كەلىپ اۋىل شارۋاشىلىعى سالاسىنداعى وڭ كورىنىستەرگە توقتالدى. سونداي-اق اگروقۇرىلىمداردىڭ مەملەكەتتىك باعدارلامالارعا قاتىسۋى ارتا تۇسكەنىن, ءوندىرىس قۋاتتارىنىڭ ۇلعايعانىن, ءوڭىردىڭ اگرارلىق ازىق-ت ۇلىك قاۋىپسىزدىگىن قامتاماسىز ەتۋ ماسەلەلەرىنىڭ ماڭىزىن اتاپ ءوتتى.
