«نۇرلى جەر» مەملەكەتتىك باعدارلاماسىن ىسكە اسىرۋ بارىسى تۋرالى قر يندۋستريا جانە ينفراقۇرىلىمدىق دامۋ ءمينيسترى ر. سكليار, «بايتەرەك» حولدينگىنىڭ توراعاسى ا. ءارىپحانوۆ, ماڭعىستاۋ وبلىسىنىڭ اكىمى س. تۇرىموۆ, تۇركىستان وبلىسى اكىمىنىڭ ورىنباسارى ق. ايتمۇحامەتوۆ, الماتى وبلىسى اكىمىنىڭ ورىنباسارى س. بەسكەمپىروۆ باياندادى.
2019 جىلى شامامەن 13 ملن شارشى مەتر تۇرعىن ءۇي سالۋ جوسپارلانعان. بۇل وتكەن جىلعى كورسەتكىشتەن 500 مىڭ شارشى مەترگە ارتىق. جىل سايىن 6 مىڭ از قامتىلعان وتباسى مەن 3 مىڭ جۇمىس ىستەيتىن جاستاردى باسپانامەن قامتاماسىز ەتۋ مىندەتتەمەسى قابىلداندى.
«بارلىق زاڭنامالىق نورمالار قابىلدانىپ, قاجەتتى قاراجات ءبولىندى» دەگەن اسقار مامين الەۋمەتتىك باعىتتاعى تۇرعىن ءۇي كولەمىن تولىعىمەن بەرۋ جانە ساتىپ الۋ بويىنشا ناقتى شارالاردى قابىلداۋ كەرەك ەكەنىن ايتتى.
سونداي-اق قر ۇكىمەتىنىڭ باسشىسى تۇرعىن ءۇيدى سالۋعا, ينجەنەرلىك ينفراقۇرىلىمدى جەتكىزۋگە ۋاقىتىلى دايىندالۋدىڭ ماڭىزى زور ەكەنىن اتاپ ءوتتى.
«مەملەكەت باسشىسى بارلىق تۇرعىن ءۇي باعدارلامالارىن ءبىرتۇتاس تۇرعىن ءۇي ساياساتىنا بىرىكتىرۋدى تاپسىردى. سوندىقتان بيىل 2025 جىلعا دەيىنگى جاڭا «نۇرلى جەر» مەملەكەتتىك باعدارلاماسى قابىلدانادى, ونىڭ اياسىندا 650 مىڭعا جۋىق وتباسى نەمەسە 2 ملن-نان استام ادام جاڭا تۇرعىن ۇيمەن قامتاماسىز ەتىلەدى» دەدى اسقار مامين.
