رەسپۋبليكالىق #Birge#TazaQazaqstan ەكولوگيالىق اكتسياسىنا ءۇن قوسقان كوكشەتاۋلىقتار بىرلىكتىڭ بەكەم ۇلگىسىن كورسەتتى.
اكتسياعا قوعامدىق ۇيىمداردىڭ مۇشەلەرى, مەملەكەتتىك قىزمەتشىلەر, قاراپايىم قالا تۇرعىندارى قاتىستى. كوممۋنالدىق قىزمەت ۇيىمدارى قاجەتتى تەحنيكامەن قامتاماسىز ەتتى.
- قالا جۇرتشىلىعىنىڭ تازالىققا دەگەن ىنتاسى وتە كۇشتى,- دەيدى قالا əكىمى امانگەلدى سمايىلوۆ, - قالانىڭ تازالىعى بۇرىندا جاقسى بولاتىن. بۇگىنگى باعالى باستامانى ءبىر اۋىزدان قولداپ جۇمىسقا جۇمىلعان جۇرتشىلىقتى كورگەندە əر قايسىنىڭ بويىنداعى جاۋاپكەرشىلىكتى ايقىن اڭعاراسىڭ. اكتسيا بارىسىندا əسىرەسە, جاستار جاز جىگەرمەن ءوز ۇلەستەرىن قوستى. اعا بۋىن وكىلدەرى دە قاراپ قالعان جوق.
- ءبىزدىڭ بالا كەزىمىزدە, - دەيدى كوكشەتاۋ قالاسىنىڭ بايىرعى تۇرعىنى الپىسباي تۇسىنباەۆ,-قوپا كولى تاپ تازا بولاتىن. تەرەڭدەگى قايراق تاستار كورىنىپ جاتۋشى ەدى. زەرەندى اۋدانىنداعى مال فەرمالارىنىڭ قوقىسى شاعالالى وزەنى ارقىلى قوپاعا قۇيىلىپ, كول تابانىنداعى بۇلاق كوزدەرى بىتەلىپ, قورىسقا اينالىپ كەتتى. شىركىن اي, جاعالاۋمەن قوسا سول بۇلاقتاردىڭ كوزىن اششا عوي. باستاما باياندى بولار ەدى. سەنبىلىكتىڭ سەرپىندى تۇسى دا وسى ەمەس پە!
