“بيزنەستىڭ جول كارتاسى-2020” باعدارلاماسى – دامۋدىڭ ءتيىمدى جولى

الماتىدا ىسكەرلىك كەڭەسىنىڭ كە­زەكتى وتىرىسى بولىپ ءوتتى. وندا مەم­لەكەت باسشىسى نۇرسۇلتان نا­زار­باەۆتىڭ قازاقستان حالقىنا جول­داۋىندا اتاپ كورسەتىلگەن “بيز­نەستىڭ جول كارتاسى-2020” باع­دار­لاماسىن دايەكتىلىكپەن جۇزەگە اسى­رۋ توڭىرەگىندە جان-جاقتى ءسوز بولدى. پرەمەر-ءمينيستردىڭ ورىن­باسارى – يندۋستريا جانە جاڭا تەح­نولوگيالار ءمينيسترى اسەت يسە­كەشەۆ, الماتى قالاسىنىڭ اكىمى احمەتجان ەسىموۆ جانە ىسكەرلىك ورتا وكىلدەرى قاتىسقان كەڭەيتىلگەن جيىندا سونىمەن قاتار, قازاق­ستان­نىڭ 2015 جىلعا دەيىنگى يندۋس­تريا­لىق-يننوۆاتسيالىق دامۋىنىڭ قار­قىنىن ارتتىرۋ ماسەلەسى دە كۇن تارتىبىنە قويىلدى. ىسكەرلىك كەڭەس وتىرىسىن اشقان الماتى قالاسىنىڭ اكىمى احمەتجان ەسىموۆ كۇن تارتىبىنە قويىلعان باس­تى ماسەلە جانە وڭتۇستىك استانادا بۇل باعىتتا بۇگىنگى كۇنگە دەيىن ات­قا­رىلىپ جاتقان ماڭىزدى ءىس-شا­را­لاردى تىلگە تيەك ەتتى. قولعا الىن­عان سونداي ىرگەلى جۇمىستاردىڭ ءبىرى الماتىنىڭ الاتاۋ اۋدانىندا ور­نا­لاسقان يندۋستريالىق ايماققا تىكەلەي قاتىستى. قالا اكى­مىنىڭ ايتۋىنشا, مەملە­كەت باسشىسى قولداعان يندۋس­تريالىق ايماقتىڭ قالا ءۇشىن دە ماڭىزدىلىعى جوعارى, ياعني جاڭا جۇمىس ورنىنىڭ اشىلۋى جانە وزگە دە مۇمكىندىكتەر كوبەيۋدە. يندۋستريالىق-يننوۆاتسيالىق دامۋ باعدارلاماسىنا الماتى قالا­سىنان جالپى سوماسى 410 ميلليون دوللاردى قۇرايتىن ءۇش جوبانىڭ ەنگەندىگىن حابارلاعان قالا اكىمى, بۇل جوبالارعا دا كەڭىرەك توقتالدى. مۇنىڭ ءوزى ەڭ الدىمەن “مەدەۋ”, “شىمبۇلاق” تاۋلى-شاڭعى كۋ­رور­تىن دامىتۋ جانە قاتتى جانە سۇيىق ءدارى-دارمەك قۇرال-جابدىق­تار ءون­دىرى­سىن كەڭەيتۋ مەن مودەر­نيزاتسيالاۋدى قامتيدى. سونىمەن قاتار, “سامۇرىق-قازىنا” قورى با­عىتى بويىنشا ترانسفورماتورلىق ستانسالار قۇرىلىسىنىڭ جوباسى دا بار. قالا اكىمىنىڭ ايتۋىنشا, بۇگىنگى كۇنگە دەيىن وعان قوسىمشا جالپى سوماسى 1,5 ميلليارد دوللارلىق جيىرما ءبىر جوبا قارالعان. “ولار­دىڭ ىشىندەگى بەس جوبانى مينيسترلىك قولداعان جاعدايدا يندۋستريالىق-يننوۆاتسيالىق دامۋدىڭ قالالىق باعدارلاماسىنا ەنگىزۋدى ويلاستىرۋ­دامىز”, دەدى احمەتجان ەسىموۆ. ىسكەرلەر كەڭەسىندە ءسوز العان پرەمەر-ءمينيستردىڭ ورىنباسارى – يندۋستريا جانە جاڭا تەح­نولوگيالار ءمينيسترى اسەت يسە­كەشەۆ يندۋستريالىق-يننوۆا­تسيالىق جەدەل دامۋدىڭ بەسجىلدىق باعدارلاماسىنىڭ نەگىزگى ادىستەرى تۋرالى بايانداپ بەردى. مينيستر, سونداي-اق الماتى قالاسى بويىنشا دامۋدىڭ ناقتى باعدارلامالارىن ورتاعا سالىپ, ءوز پىكىرىن ءبىلدىردى. بەسجىلدىق باعدارلاما مەم­لەكەت باسشىسى جاريالاعان 2020 جىلعا دەيىنگى دامۋ ستراتەگياسىنىڭ ونجىلدىعى اياسىنداعى ەڭ العاشقى يندۋستريالىق جوبا بولىپ تابى­لا­دى. اتاپ ايتارلىعى, مۇنداي اۋقىم­دى باعدارلامانىڭ ەڭ باستى ماقساتى – كوزدەلىپ وتىرعان بەس جىلدا يندۋستريالىق-يننوۆاتسيا­لىق جوعارى جەتىستىككە قول جەتكىزۋ بولىپ تابىلادى. وتاندىق بيزنەستى قولداۋ باسەكەگە قابىلەتتىلىكتىڭ ارتۋىنا يگى ىقپال ەتەتىندىگى ءسوزسىز. ەلباسىنىڭ قازاقستان حالقىنا ارناعان بيىلعى جولداۋىنداعى مىندەتتەر شىن مانىسىندە دە “ەلىمىزدىڭ جالپىۇلتتىق مىندەتىنە اينالۋى ءتيىس”,– دەدى پرەمەر-ءمينيستردىڭ ورىنباسارى – ين­دۋستريا جانە جاڭا تەحنولوگيالار ءمينيسترى ءا.يسەكەشەۆ. باقىت بالعارينا, الماتى.