پ. چايكوۆسكي اتىنداعى ماسكەۋ مەملەكەتتىك كونسەرۆاتورياسى, ۆەنا ونەر ۋنيۆەرسيتەتى, گامبۋرگتەگى جوعارى مۋزىكا جانە تەاتر مەكتەبى, ا. شنيتكە اتىنداعى ماسكەۋ مەملەكەتتىك مۋزىكا ينستيتۋتى, زالتسبۋرگتەگى اۆستريالىق «موتسارتەۋم», قىتايداعى شانحاي مۋزىكا كونسەرۆاتورياسى سىندى الەمنىڭ ۇزدىك ونەر وردالارىنىڭ شاكىرتتەرى ارقا ءتوسىن انگە بولەمەك. كونتسەرتتە حالىقارالىق بايقاۋلاردىڭ لاۋرەاتتارى ازات مالىك (باريتون, ۆەنگريا), جاسۇلان ابدىقالىقوۆ (ترۋبا, گەرمانيا), روزا قادىروۆا (الت, اۋستريا), دوسحان جەكسەمباي (باس-ترومبون), اياجان ۇسەمباەۆا (اككوردەون, ماسكەۋ), جاڭىل راحىمبەكوۆا (فورتەپيانو, «استانا وپەرا»), تەمىرلان بەيسەمباي (فورتەپيانو, اۋستريا), تالعار تولقىن ۇلى (ۆيولونچەل, قىتاي), اسەمگۇل سىزدىقوۆا, ەلنۋرا رۋسلانبەكقىزى (سكريپكا), جاننەت تۇياقوۆا (فلەيتا), توميريس ءالي (فورتەپيانو) جانە كامەرالىق انسامبل قۇرامىندا ديانا ابلاەۆا (سكريپكا) مەن سابينا بايزۇلدينوۆا (فورتەپيانو, قازۇوۋ) وتانداستارىنا ءوز ونەرلەرىن پاش ەتەدى.
حورمەيستەر اقبوپە ءادىلحاننىڭ (ماسكەۋ) جەتەكشىلىگىندەگى كامەرالىق حوردىڭ قاتىسۋىمەن وتەتىن مۋزىكالىق كەشتە ع. جۇبانوۆانىڭ وڭدەۋىندەگى حالىق ءانى «اق قۋراي», كومپوزيتورلار دج. ۆەردي, ۋ. دجوردانو, ك.ۆ. براندت, ر. كلارك, ە. كرەسپو, ا. كۋسياكوۆ, بەتحوۆەننىڭ ۆوكالدىق ءارى اسپاپتىق شىعارمالارى شىرقالماق. مۇنىمەن بىرگە باعدارلاماعا الەمدىك مۋزىكا كلاسسيكاسىنىڭ وزگە دە جاۋھارلارى ەنىپ وتىر.
