«اتامباەۆ بۇگىن ماسكەۋگە ۇشىپ كەتتى» دەپ مالىمدەگەن قىرعىزستاننىڭ بۇرىنعى پرەزيدەنتىنىڭ شتابىنىڭ وكىلى.
اتامباەۆتىڭ ايتۋىنشا, ول ماسكەۋدە «دوستارىمەن كەزدەسىپ», 25 شىلدە كۇنى كەشكىسىن بىشكەككە ورالماق.
27 ماۋسىم كۇنى قىرعىز رەسپۋبليكاسىنىڭ پارلامەنتى اتامباەۆتى ەكس-پرەزيدەنت مارتەبەسىنەن جانە قول سۇقپاۋ قۇقىعىنان ماقۇرىم ەتكەن بولاتىن. ياعني, ونى ەندى قىلمىستىق جاۋاپقا تارتۋعا بولادى.
ايتا كەتەيىك, اتامباەۆ بەس ءتۇرلى قىلمىسقا قاتىسى بار دەگەن كۇدىككە ىلىككەن. ونى ەلدىڭ ىشكى ىستەر مينيسترلىگى ءۇش رەت كۋاگەر رەتىندە جاۋاپ الۋعا شاقىرعان, بىراق بۇرىنعى پرەزيدەنت ونىڭ بىردە-بىرىنە جاۋاپ بەرمەگەن.
