ايماقتار • 24 شىلدە، 2019

ءال-فارابي اتىنداعى قازۇۋ ارىس وقۋشىلارىن ىستىقكولگە دەمالۋعا الىپ كەتتى

171 رەت كورسەتىلدى

ءال-فارابي اتىنداعى قازۇۋ ىستىقكول جاعاسىنداعى سپورتتىق-ساۋىقتىرۋ لاگەرىنە ارىس قالاسىنىڭ 50 ءبۇلدىرشىنىن دەمالۋعا اپاردى. تاڭعاجايىپ تابيعات پەن ساف تازا اۋا جانە كوركەمدىگى كوز سۇرىندىرەر «قىرعىزستاننىڭ ءىنجۋ-مارجانى» اياسىندا بالالاردى ۇمىتىلماس دەمالىس كۇندەرى قۇشاعىنا الادى.

قازۇۋ الەۋمەتتىك جانە پسيحولوگيالىق قولداۋ كورسەتۋ ماقساتىندا ارىس قالاسىنىڭ وقۋشىلارى ءۇشىن ءبىلىم بەرۋدى دامىتۋ، بوس ۋاقىتىن ءتيىمدى وتكىزۋ، ساۋىقتىرۋ-وڭالتۋدىڭ كەڭ كولەمدى باعدارلاماسىن دايىنداعان. اتالمىش باعدارلامالار اياسىندا بالالار كوممۋنيكاتيۆتىك قابىلەتتەرىن دامىتۋ، قوعامدىق ورتادا ءساتتى الەۋمەتتەنۋ، كاسىبي ءوزىن-ءوزى انىقتاۋ ماسەلەلەرى بويىنشا قىزىقتى ترەنينگتەرگە قاتىسادى.

تەراپيانىڭ ءتۇر-ءتۇرى (ارت-تەراپيا، ەرتەگى، ويىن تەراپيالارى) جانە سپورتتىق سايىستار، تەاتر قويىلىمدارى مەن الاۋ جانىندا جاڭا دوستارمەن وتىرىپ ءان شىرقاۋ، كوڭىلدى جاتتىعۋلار مەن بي كەشتەرى، شىعارماشىلىق جانە تانىمدىق ءىس-شارالار – وسىنىڭ ءبارى كاسىبي پسيحولوگتار مەن الەۋمەتتىك پەداگوگتاردىڭ ۇيىمداستىرۋىمەن وتەتىن بولادى.

ۇزاق جولدان شارشاڭقى جەتكەندەرىنە قاراماستان، لاگەرگە تابان تىرەگەن ساتتەن باستاپ بالالار ىستىقكولدىڭ ەرتەگىدەگىدەي كورىنىسىنە، تامىلجىعان تابيعاتىنا تامسانىپ، مارە-سارە بولدى. كوبىسىنىڭ بۇل جەرگە العاش كەلۋى. سونداي-اق كولدىڭ جانعا جايلى جاعالاۋىندا ەكى اپتا ەستەن كەتپەستەي  دەمالاتىنى بالالاردىڭ قۋانىشىن ەسەلەي ءتۇستى. تازا اۋا، سۋى ءمولدىر كول وقۋشىلارعا شاتتىققا تولى عاجايىپ ساتتەر، دوستار مەن قامقور ۇستازدار اراسىنداعى كۇندەردەن ءتاتتى ەستەلىك سىيلارى ءسوزسىز.

«بالالار لاگەر ومىرىنە بىردەن بەيىمدەلىپ كەتتى. مۇندا ولارعا وتە قىزىقتى. توتەنشە جاعدايدان سوڭ بالالارعا دەمالىس وتە قاجەت ەكەنى بەلگىلى. سوندىقتان ءبىز بالالاردىڭ دەمالىسىن ۇيىمداستىرۋعا شەشىم قابىلدادىق. قازىرگى ءبىزدىڭ باستى ماقساتىمىز – ورىن العان وقيعادان بالالاردىڭ نازارىن اۋدارۋ. ولاردىڭ لاگەردەگى كۇندەرىنىڭ ەڭ قىزىقتى ءارى پايدالى وتۋىنە بار كۇش-جىگەرىمىزدى سالاتىن بولامىز»، دەدى قازۇۋ سپورتتىق-ساۋىقتىرۋ لاگەرىنىڭ ديرەكتورى تالعات دۇيسەمباەۆ.

قازاقستاندىق جەتەكشى ۋنيۆەرسيتەتتىڭ ارىستىق بالالارعا ارنالعان تەگىن دەمالىستى ۇيىمداستىرۋى – قازاقستان حالقىنىڭ قيىن جاعدايدا قالعاندارعا ءاردايىم قولداۋ كورسەتۋگە دايىن ەكەندىگىنىڭ تاعى ءبىر دالەلى. ايتا كەتۋ كەرەك، بۇرىن قازۇۋ-دىڭ مىڭداعان ۇجىمى توتەنشە جاعداي سالدارىنان زارداپ شەككەن وتانداستاردىڭ قايعىسىنا العاشقىلاردىڭ ءبىرى بولىپ ءۇن قاتقان ەدى. ۋنيۆەرسيتەت عالىمدارى، وقىتۋشىلارى مەن قىزمەتكەرلەرى ءبىر اۋىزدان ماتەريالدىق كومەك كورسەتىپ، قالا تۇرعىندارىنا ءبىر كۇندىك جالاقىسىن اۋداردى.

سوڭعى جاڭالىقتار

الماتى قالاسى «سارى» ايماقتا

كوروناۆيرۋس • بۇگىن، 10:28

ارقالىقتا مىڭ ادام كۇي تارتتى

ايماقتار • بۇگىن، 08:45

كوشباسشى وزگەرگەن جوق

سپورت • بۇگىن، 08:44

قالا كۇنىندەگى بايگە جارىسى

سپورت • بۇگىن، 08:42

يسپانيادا ولجالى بولدى

تەننيس • بۇگىن، 08:40

ورگانيكالىق قالدىقتاردى وڭدەيدى

قازاقستان • بۇگىن، 08:38

جاسىل مەتاللۋرگيا قازىر دە بار

قازاقستان • بۇگىن، 08:37

دارىگەر-جازۋشىلار

ادەبيەت • بۇگىن، 08:34

زاڭسىز سالىنعان ءۇي ءسۇرىلدى

ايماقتار • بۇگىن، 08:30

جالعان شوت-فاكتۋرا جارعا جىقتى...

ايماقتار • بۇگىن، 08:27

قىمبات وپەراتسيانى تەگىن جاسادى

مەديتسينا • بۇگىن، 08:22

ۇقساس جاڭالىقتار