جاستار جىلىنا ارنالعان بۇل مادەني جوبا العاش رەت وتكىزىلىپ وتىر. فەستيۆالدى ەكى كەزەڭدە وتەدى. ءبىرىنشى ىرىكتەۋ تۋرى – ەلدىڭ بارلىق وبلىستارىنان كەلگەن تالانتتى جاستاردىڭ ونلاين-وتىنىمدەرىن 2019 جىلدىڭ 20 شىلدەگە دەيىن قابىلداسا, ەكىنشىسى - فەستيۆالدىڭ اقتىق سىنى وسى جىلدىڭ تامىز ايىندا ەلوردادا وتەدى.
ۇيىمداستىرۋشىلاردىڭ پىكىرىنشە, ءۇش فيناليست ۇلتتىق دەلفي كوميتەتىنىڭ حالىقارالىق شىعارماشىلىق جوبالارىنا قاتىسۋ قۇقىعىنا يە بولادى.
جوباعا 14-28 جاس ارالىعىنداعى شىعارماشىل جاستار قاتىسادى. جوبا اياسىندا ۇلتتىق دەلفيلىك قازىلار القاسى قاتارىنان ەلىمىزدىڭ مادەنيەت قايراتكەرلەرىمەن شەبەرلىك ساعاتتارىن وتكىزۋ جانە بايقاۋعا قاتىسۋشىلارعا مەنتورلىق قولداۋ كورسەتۋ جوسپارلانىپ وتىر.
ءداستۇرلى تۇردە ۇيىمداستىرۋشىلار ەرەكشە قاجەتتىلىكتەرى بار تالانتتى جاستاردىڭ اراسىنان جۇزدەن جۇيرىك, مىڭنان تۇلپاردى انىقتايدى.
فەستيۆال باعدارلاماسىندا كەلەسى اتالىمدار ۇسىنىلىپ وتىر:
1. حورەوگرافيا (حالىقتىق, زاماناۋي, ەسترادالىق بي);
2. ۆوكال (حالىقتىق, ەسترادالىق, اكادەميالىق);
3.ىم-يشارا تىلىندە ورىنداۋ (سولو, انسامبل, شاعىن نىساندا);
4. بەينەلەۋ ونەرى (جەكە);
5. ساندىك-قولدانبالى ونەر (جەكە);
6. حالىق اسپاپتارى (دومبىرا, قوبىز, بايان/اككوردەون جانە ت. ب.);
7. تەاتر ونەرى (قويىلىم ۇزىندىلەرى, مينياتيۋرالار, مونولوگتار, سكەتچتەر جانە ت.ب.);
8. ەلەكتروندىق مۋزىكا (كلاۆيشالىق, قياقتى جانە ىشەكتى اسپاپتار);
9. كيىم ديزاينى;
10. اشىق نوميناتسيا (جەكە نوميناتسيامەن مالىمدەلمەگەن كەز كەلگەن شىعارماشىلىق ءتۇرى).
كونكۋرستىق كوميسسيا ۇسىنىلعان ءار نوميناتسيالار بويىنشا ءبىرىنشى, ەكىنشى جانە ءۇشىنشى ورىن يەگەرلەرىن انىقتايدى.
