«نارىققا شىعارىلاتىن ەتتىڭ ساپاسى دا قاتاڭ قاداعالاۋدا», دەيدى كاسىپورىن جۇمىسشىلارى. بارلىق تەحنيكالار كومپيۋتەرلەندىرىلگەن, جەمنىڭ قۇرامىن لابوراتوريادا ءجيى تەكسەرىپ, سول ارقىلى جەم ءمولشەرىنىڭ كورسەتكىشتەرىن باقىلاپ تۇرۋعا بولادى. ءتىپتى ءار قۇسقا بەرىلەتىن مولشەرى كورسەتىلەدى.
«شىمكەنت قۇس» – حالىقتى ساپالى تابيعي ونىممەن قامتاماسىز ەتىپ وتىرعان بىرەگەي كومپانيا. بۇگىندە وتاندىق وندىرىستە ۇلەسى مول سەرىكتەستىك ءونىم تۇرلەرىن ۇلعايتۋ ماقساتىندا برويلەر تاۋىق ەتىن ءوندىرۋدى دە قولعا الدى.
فابريكادا 150 مىڭعا جۋىق برويلەر تاۋىعى بار. ساعاتىنا 2 مىڭ قۇس سويىلادى. ەرەكشە اتاپ وتەرلىگى, اتالعان قۇس فابريكاسىندا بارلىق تاۋىقتار شاريعات تالاپتارىنا ساي قولمەن سويىلادى. تاۋلىگىنە 7 مىڭ برويلەر قۇس ەتىن دايىندايدى. وسىلايشا تۇتىنۋشىلاردى وتاندىق ساپالى, قاۋىپسىز قۇس ەتىمەن قامتاماسىز ەتۋدى كوزدەپ وتىر.
