قازاقستان • 21 شىلدە، 2019

ەلباسى مەتاللۋرگيا سالاسىنىڭ ەڭبەككەرلەرىن كاسىبي مەرەكەسىمەن قۇتتىقتادى

485 رەتكورسەتىلدى

قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆ مەتاللۋرگيا سالاسىنىڭ ەڭبەككەرلەرى مەن ارداگەرلەرىن مەتاللۋرگ كۇنىمەن قۇتتىقتادى. بۇل تۋرالى ەlbasy.kz حابارلادى.

«سىزدەردى كاسىبي مەرەكەلەرىڭىز – مەتاللۋرگ كۇنىمەن قۇتتىقتايمىن!

بۇل مەيرام سىزدەرگە دەگەن قۇرمەتتىڭ جانە ەرەن ەڭبەكتەرىڭىزدى مويىنداۋدىڭ سيمۆولى سانالادى. 

كەزىندە ماعان ماڭىزدى ومىرلىك تاجىريبە بەرگەن، قايراتىمدى شىڭداعان جانە سەنىمدى دوستار تابۋعا سەپتىگىن تيگىزگەن مەتاللۋرگ كاسىبىن تاڭداعانىمدى ماقتان ەتەمىن. 

بۇگىندە ەلىمىزدىڭ كاسىپورىندارىندا جوعارى بىلىكتى مىڭداعان مەتاللۋرگ – ەڭبەكقور، جاۋاپكەرشىلىگى جوعارى جانە مىقتى ازاماتتار جۇمىس ىستەۋدە. سولاردىڭ ءوز ىسىنە ادالدىعى مەن شەبەرلىگىنىڭ ارقاسىندا بۇكىل ەلىمىزدىڭ ەكونوميكالىق ءوسىمىنىڭ بەرىك نەگىزىن قالىپتاستىرا الدىق.

قازاقستانداعى مەتاللۋرگيا سالاسى دامۋدىڭ يننوۆاتسيالىق جولىنا ءتۇسىپ، وندىرىستىك ۇجىمدارىمىزعا بولاشاققا نىق سەنىممەن قاراۋعا مۇمكىندىك بەرەدى.

سىزدەر الداعى ۋاقىتتا دا تاۋەلسىز قازاقستاننىڭ يگىلىگى ءۇشىن جاڭا كاسىبي جەتىستىكتەرگە ۇمتىلىپ، ادال ەڭبەك ەتەتىندەرىڭىزگە سەنەمىن.

بارشاڭىزعا زور دەنساۋلىق، سارقىلماس كۇش-قۋات، تۋعان-تۋىسقاندارىڭىزعا باق-بەرەكە تىلەيمىن!» دەلىنگەن ەلباسىنىڭ قۇتتىقتاۋىندا.
سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار