جارقىن ومىرگە جولداما
قازاقتىڭ مەملەكەتتىك ايەلدەر ينستيتۋتىن تۇڭعىش رەت ءبىتىرىپ, ۇلكەن ومىرگە ماڭىزدى جولداما العان 71 قىزدىڭ ءبىرى – مەن. باقىتتى ءومىردىڭ شۇعىلالى نۇرىنا قول سوزىپ, ءبىلىم شىڭىنا ۇمتىلعان كەشەگى ارمان بۇگىن ورىندالدى.
جوعارى ءبىلىم العان وسى بىزدەر, ءوزىمىزدىڭ انالارىمىزدىڭ كەشەگى قورلىق ءومىرىن كورمەي وستىك. ولاردى مۇڭدى زارىن, قايعىلى ءومىرىن ادەبيەتتەن, تاريحتان وقىدىق, دومبىرا ىشەگىنەن, قوبىزدىڭ قىلىنان, ارمان دەگەن اششى اننەن تىڭداپ, ىشتەي ۇعىپ, جۇرەكتەن تەربەندىك. كۇي قاناتىن كۇيىك شالىپ, كوكەيكەستى تىلەك, ويعا, ەڭ بولماسا سۇيگەنىنە قولى جەتپەگەن قىز سىرىن الىستان تىڭداپ, جانداي ۇقتىق.
سولار كوكسەگەن ارمانعا سوۆەت ەلىنىڭ باقىتتى قىزدارى, بىزدەر ەركىن جەتتىك. جوعارى دارەجەلى ءبىلىم الدىق. بۇگىنگى قۋانىشتى كۇندە ءبىزدى وسى دارەجەگە جەتكىزگەن كىم ەدى؟ دەگەن سۇراۋعا توقتالماي بولمايتىن سياقتى. ەڭ الدىمەن كىمنىڭ اتى تابىس پەن جەڭىستىڭ, باقىت پەن ءومىردىڭ بەينەسى بولسا, اسقان تاۋدان بيىك اقىلدى, تەڭىزدەي شالقىعان جۇرەكتى, اي نۇرلى, كۇن ساۋلەلى كوسەم اكەمىز, باقىتتى بالالىق ومىرىمىزگە التىن داۋرەن ورناتقان ستالين ەسىمى اتالادى.
مەن ينستيتۋتتىڭ تاريح فاكۋلتەتىن ءبىتىرىپ شىقتىم. مەنىڭ ەندىگى جەردەگى سانالى ءومىرىم وتانىمىزدىڭ تاريحىن زەرتتەۋ, ماركسيزم-لەنينيزم عىلىمىن ۇيرەنە بەرۋ ىسىنە, وسى العان بىلىمگە ءبىلىم قوسۋ ۇستىندە بولاشاق ۇرپاقتاردى تاربيەلەۋ ىسىنە ارنالادى. سوۆەت مۇعالىمى دەگەن اتاقتى بارىنەن دە جوعارى ۇستاپ, سالتاناتتى ومىردە باقىت شىڭىنا, كوممۋنيزم اسقارىنا ورلەي بەرەمىز.
ب.يسقاقوۆا,
ءينستيتۋتتى بىتىرۋشى
