اكتسيا وسى جىلى ءتورتىنشى رەت وتكىزىلىپ وتىر, حالىقپەن تىعىز جۇمىس ىستەۋ ءوز ناتيجەسىن بەرۋدە. تۇرعىندار تاراپىنان كەلىپ تۇسكەن ۇسىنىستاردى قابىلداي وتىرىپ, قالاداعى ءتارتىپ, اتاپ ايتقاندا جول قوزعالىسى ەرەجەلەرىن ساقتاۋ جاقساردى.
مىسالى, 2019 جىلدىڭ 6 ايىندا قوستاناي وبلىسىنىڭ اۋماعىندا جكو 7,1% - عا, سونداي-اق قازا بولعانداردىڭ سانى 5%-عا تومەندەگەن. جول قوزعالىسى قاۋىپسىزدىگىنىڭ الدىن الۋ ماقساتىندا 2019 جىلى 7 جەدەل-پروفيلاكتيكالىق ءىس-شارالار مەن اكتسيالار ۇيىمداستىرىلدى. اتاپ وتسەك, ول «قاۋىپسىز جول», «نازار اۋدارىڭىز, جاياۋ جۇرگىنشى!», «اۆتوبۋس» جانە «جولداعى قابىلداۋ» اكتسياسى.
بۇگىنگى «جولدا قابىلداۋ» اكتسياسىندا پوليتسيا كومەگىنە 100-دەن استام ادام جۇگىندى. سونداي-اق, ازاماتتاردى قابىلداۋ پوليتسيا دەپارتامەنتىنىڭ «ينستاگرام», «فەيسبۋك» الەۋمەتتىك جەلىلەرىندە تىكەلەي ەفيردە كورسەتىلىپ جاتىر. الەۋمەتتىك جەلى پايدالانۋشىلار تىكەلەي ەفيردە ءوز سۇراقتارىن قويىپ, كەڭەستەر مەن ناقتى جاۋاپتار الدى. قازىرگى ۋاقىتتا تىكەلەي ەفيردە 600-گە جۋىق جەلى پايدالانۋشىسى قوسىلىپ, 30-دان استام سۇراق قويىلدى.
ەستەرىڭىزگە سالا كەتەيىك, «جولداعى قابىلداۋ» اكتسياسى 19-20 شىلدە كۇندەرى ساعات 09:00-دەن 19:00-گە دەيىن وتكىزىلەدى.
وبلىس ورتالىعىندا 20 شىلدەدە اكتسيا اباي داڭعىلى بويىنداعى «استىقجان» ساۋدا ورتالىعى ماڭىندا جالعاسادى.
كەنجە قونىسباي,
قوستاناي وبلىسى پد ءباسپاسوز قىزمەتشىسى
