ءورت تابيعي پاركتىڭ 40 گەكتار اۋماعىن شارپىعان. ءورتتى سوندىرۋگە 150 ادام, 30 تەحنيكا جۇمىلدىرىلعان. ارنايى تەحنيكا, مامانداندىرىلعان, وبلىستىق ءورت ءسوندىرۋ جانە اۆاريالىق-قۇتقارۋ قىزمەتىنىڭ ماماندارى جىبەرىلگەن.
اۋدان اكىمدىگىنىڭ مالىمەتىنشە, ءورت 14 شىلدەدە باستالعان. سوڭعى كۇندەرى وڭىردە اپتاپ ىستىق بولىپ تۇرعانى ءمالىم. بىراق, ازىرگە ءورتتىڭ نەدەن بولعانى تۋرالى ناقتى اقپارات جوق.
قازىرگى ۋاقىتتا ءورت ءسوندىرۋ جۇمىستارى ءالى دە جۇرگىزىلۋدە.
جالپى, تابيعي پاركتىڭ جالپى اۋماعى 68452,8 گا قۇرايدى. پارك باياناۋىل, جاسىباي, دالبا سەكىلدى بولىمشەلەردەن تۇرادى.
قورىق رەجيمى, ەكولوگيالىق تۇراقتاندىرۋ, تۋريستىك جانە رەكرەاتسيالىق, شەكتەۋلى شارۋاشىلىق قىزمەت ايماقتارىنا بولىنگەن. اۋماقتا 13 تۋريستىك باعىت بەكىتىلگەن.
سونىمەن بىرگە, وسكەمەننەن جىبەرىلگەن مي-8 تىكۇشاقتارى ورمان اۋماعىن اۋەدەن باقىلاۋدا, ەكىنشىسى 2,5 مىڭ تەكشە سۋمەن ءورتتى سوندىرۋدە.
قازىر ءورت اۋماعىندا كۇندىز-ءتۇنى پاركتىڭ, اۋداندىق اكىمدىكتىڭ, وبلىستىق ورمان جانە جانۋارلار دۇنيەسى اۋماقتىق ينسپەكتسياسىنىڭ, وبلىستىق ءورت ءسوندىرۋ جانە اۆاريالىق-قۇتقارۋ جۇمىستارى قىزمەتىنىڭ قىزمەتكەرلەرى دە بىرلەسە جۇمىس جاساۋدا.
