سىر ماقتانىشى ەۆگەني دەميدەنكو الەمگە ايگىلى Youtube حوستينگىمەن باسەكەلەسە الاتىن جاڭا پلاتفورما ويلاپ تاپتى. جاس دارىن بەينەحوستينگتى جاڭا ۇلگىسىن جاساۋدا ۇزاق زەرتتەۋ جۇرگىزىپ, تىڭعىلىقتى دايىندالعان.
ەسكە سالا كەتەيىك, قىزىلوردالىق جاس ورەن ەۆگەني دەميدەنكو شەتەلدىك «Boeing» كومپانياسىنان ۇسىنىس العان تۇڭعىش قازاق بالاسى. قولدانىستاعى ۇشاقتاردىڭ بازاسىنا نەگىزدەلگەن جاڭا اۋە كەمەسىنىڭ جوباسىن ازىرلەگەن ونىڭ ءىت سالاسىنداعى جوبالارى شەتەلدىك كومپانيالاردان قولداۋ تابۋدا.
- ۇشاقتاعى تەحنيكالىق جانە ديزاينەرلىك راسىمدەۋدى تولىعىمەن وزگەرتىپ, ونىڭ جاڭا جانە رەۆوليۋتسيالىق مودەلىن جاساپ شىعاردىم. جوبا «Nazarbayev Foundation School Challange» بايقاۋىنىڭ بازاسىندا تانىستىرىلدى جانە مەن وندا جەڭىمپاز اتانىپ, انگليانىڭ جەتەكشى جوعارعى وقۋ ورىندارىنا بارىپ, ءبىلىمىمدى جەتىلدىرۋ مۇمكىندىگىنە يە بولدىم,-دەيدى ول.
