– ۇلى اباي ولەڭدەرىن وقۋ ەستافەتاسىن قازاقستان رەسپۋبليكاسىنىڭ مادەنيەت جانە سپورت ءمينيسترى اقتوتى راحمەتوللاقىزىنان, شاكىرتىم بەكزاتتان جانە شىمكەنتتەگى كىشكەنتاي ءبۇلدىرشىن حانبيبىدەن زور ريزاشىلىقپەن قابىلدايمىن!, – دەپ باستادى ءسوز كەزەگىن كىتاپحانا باسشىسى ءۇمىتحان مۇڭالباەۆا داۋرەنبەكقىزى.
ۇلى ابايدىڭ العاشقى باسپا كىتابى 1909 جىلى پەتەربور قالاسىندا ءاليحان بوكەيحاننىڭ كومەگىمەن جارىققا شىقتى. مۇحتار اۋەزوۆتىڭ 1942 جىلى شىققان «اباي» رومانىنىڭ ەڭ ءبىرىنشى باسىلىمى ۇلتتىق اكادەميالىق كىتاپحانا قورىندا ساقتاۋلى تۇر. قازاقستاننىڭ ۇلتتىق ەلەكتروندى كىتاپحاناسىندا 700-دەن اسا كونتەنت بار.
– ءوز كەزەگىمدە ارىپتەستەرىمەن بىرگە ۇلى ابايدىڭ 14-ءشى قارا سوزىمەن جانە ولەڭدەرىمەن جالعاستىرساق دەيمىن. «ءتىرى ادامنىڭ جۇرەكتەن اياۋلى جەرى بولا ما؟ ءبىزدىڭ قازاقتىڭ جۇرەكتى كىسى دەگەنى - باتىر كىسى دەيد» دانا اباي. قانداي كەرەمەت ايتىلعان ءسوز. ءبىزدىڭ قازاق باتىرلاردان كەندە بولعان جوق ەشقاشان. اباي جىرلارىن وقىپ, اباي رۋحىمەن سىرلاسا بەرەيىك. وسى ەستافەتانى مەملەكەت جانە قوعام قايراتكەرى, ابىز اعامىز مىرزاتاي جولداسبەكوۆ, قازاق جازۋشىسى, قازاقستاننىڭ ەڭبەك سىڭىرگەن قايراتكەرى, اعامىز سماعۇل ەلۋبايعا, اقىن, جازۋشى, جۋرناليست, قازاقستاننىڭ ەڭبەك سىڭىرگەن قايراتكەرى ساۋلە دوسجانعا, بارشا زيالى قاۋىم وكىلدەرىنە, قازاقستان كىتاپحاناشىلارىنا جانە ەسىمىن كەمەڭگەر جازۋشى ءابىش كەكىلباي ۇلى قويعان نەمەرەم ايدوس ەلدوس ۇلىنا جولدايمىن, – دەدى مەكەمە باسشىسى ءۇمىتحان مۇڭالباەۆا.
ەندىگى, بۇل ەستافەتا مىرزاتاي جولداسبەكوۆكە, سماعۇل ەلۋبايعا, ساۋلە دوسجانعا, ەلىمىزدىڭ بارشا زيالى قاۋىم وكىلدەرى مەن قازاقستاننىڭ كىتاپحاناشىلارى جالعاستىراتىن بولادى.
