سەناتور سارسەنباي ەڭسەگەنوۆ جۇمىس ساپارى اياسىندا اتىراۋ وبلىسىندا بولعان كەزدە ايماقتاعى ازاماتتاردى قابىلدادى. اتىراۋ قالاسىنىڭ تۇرعىنى قاديشا جاقسىلىقوۆا مەن ونىڭ قىزى II توپتاعى مۇگەدەك قالامقاس سۇندەتوۆانى قابىلداعان سەناتور كەلۋشىلەردىڭ وتىنىشتەرىن تىڭدادى. جالپى جەكە قابىلداۋ كەزىندە تۇرعىنداردان جەڭىلدىككە يە جانداردىڭ پاتەر الۋىنا كومەكتەسۋ جانە الەۋمەتتىك جاردەم بويىنشا زاڭنامانى جەتىلدىرۋ تۋرالى ۇسىنىستار ءتۇستى.
سەناتور وبلىستىق, اۋداندىق ءماسليحات دەپۋتاتتارىمەن, جەرگىلىكتى اتقارۋشى بيلىك وكىلدەرىمەن دە كەزدەسىپ, پارلامەنت سەناتىنىڭ زاڭ شىعارۋ قىزمەتى جانە اتقارىلعان جۇمىستار تۋرالى حاباردار ەتتى. سونىمەن بىرگە, قولدانىستاعى زاڭداردى جەتىلدىرۋ, ءماسليxاتتىڭ ءرولىن كوتەرۋ, سايلاۋ, بيۋدجەت جۇيەسىن جەتىلدىرۋ, جەرگىلىكتى ماڭىزى بار ماسەلەلەر تۋرالى ۇسىنىستار تالقىلاندى.
س.ەڭسەگەنوۆ اتىراۋدا وتكەن بالىق شارۋاشىلىعى قىزمەتكەرلەرى كۇنى مەرەكەلىك شاراسىنا دا قاتىستى. وسى سالانىڭ ارداگەرلەرى مەن قازىرگى كەزدە جۇمىس ىستەر جۇرگەن قىزمەتكەرلەرىمەن, بالىق شارۋاشىلىعى قوعامدىق ۇيىم باسشىلارىمەن كەزدەسىپ, بالىق ءوسىرۋ جانە اۋلاۋداعى وزەكتى ماسەلەلەردى تالقىلادى.
