ال قۇزىرلى ورىندار بولسا ولارعا بيزنەس الىپپەسىن ۇيرەتۋ, قارجىلىق قولداۋ كورسەتۋ بويىنشا كەڭەس-كومەك كورسەتىپ كەلەدى. وسى باعىتتا جۋىردا ازيا دامۋ بانكىنىڭ قولداۋىمەن «اتامەكەن» ۇكپ «اۋىلدىق جەرلەردە ايەلدەر كاسىپكەرلىگىن دامىتۋ» اتتى تەگىن شەبەرلىك ساباعىن – اقتاۋدا اۋىلدىڭ كاسىپكەر ايەلدەرىنە ارنالعان سەمينار وتكىزدى. ايەلدەر كاسىپكەرلىگىن قولداۋ, سونداي-اق اۋىل ايەلدەرىنىڭ الەۋمەتتىك-ەكونوميكالىق الەۋەتىن دامىتۋ باعىتىنداعى سەمينارعا وبلىستىڭ بارلىق اۋدانىنان 60-تان استام ايەل كاسىپكەر قاتىستى. ولاردىڭ قاتارىندا شارۋا قوجالىقتارىنىڭ, ءوندىرىستىك كاسىپورىنداردىڭ باسشىلارى مەن جەكە كاسىپكەرلەر بار.
– ەكى كۇندىك وقىتۋدا بيزنەس-ترەنەر تاجىريبەلىك تاپسىرمالار مەن كەيستەر ارقىلى ايەلدەردى كاسىپكەرلىك نەگىزدەرىنە, بۋحگالتەرلىك جانە باسقارۋ ەسەبىنە ءۇيرەتىپ, سالىق پەن ينۆەستيتسيا تارتۋ سۇراقتارىنا جاۋاپ بەردى. سونىمەن بىرگە تىڭداۋشىلار جەكە برەندتى دامىتۋدىڭ ماڭىزدىلىعىن, پيار جۇمىسىن ۇيلەستىرۋ مەن ينتەرنەت-ماركەتينگ نەگىزدەرى تۋرالى تولىق ۇيرەنىپ, ءبىلدى, دەيدى «اتامەكەن» ۇكپ باسقارۋشى ديرەكتورى, الەۋمەتتىك باستامالار دەپارتامەنتىنىڭ ديرەكتورى سالتانات ابدىكارىموۆا.
وقىتۋ اياسىندا قاتىسۋشىلارعا قازاقستاندا بيزنەستى جۇرگىزۋدەگى قارجىلاي جانە قارجىلاي ەمەس قولداۋ تۋرالى كاسىپكەرلەر پالاتاسىنىڭ ماماندارى تانىستىردى. ال كاسىپكەرلىكتى قولداۋ باعدارلامالارى جونىندە «دامۋ» كاسىپكەرلىكتى دامىتۋ قورى» اق وڭىرلىك فيليالىنىڭ قىزمەتكەرلەرى كەڭىنەن توقتالدى.
سونىمەن بىرگە ەكىنشى دەڭگەيلى بانكتەر مەن شاعىن نەسيەلىك ۇيىمداردىڭ وكىلدەرى نازىك جاندى ىسكەرلەرگە شاعىن جانە ورتا بيزنەس سۋبەكتىلەرىنىڭ جوبالارىن قارجىلاندىرۋ باعدارلامالارى مەن ولارعا قاتىسۋ شارتتارىن ءتۇسىندىردى.
قاتىسۋشىلار ءوز كەزەگىندە سەميناردىڭ كاسىبي بىلىكتىلىكتەرىن كوتەرۋ ءۇشىن قاجەتتى شارا ەكەنىن, سونداي-اق اۋىلدىق جەرلەردە جاپپاي كاسىپكەرلىكتى دامىتۋ يدەياسىن تانىمال ەتۋدىڭ ماڭىزدىلىعىن اتاپ ءوتتى.
– 3 ملن تەڭگە نەسيە الىپ, مال شارۋاشىلىعىن جاقىندا باستادىم. ۇلتتىق ونىمدەردى, شۇباتتى ساتىلىمعا شىعاراتىن ويىم بار. ماڭعىستاۋ اۋدانىنان 12 كاسىپكەر كەلىپ وتىرمىز. سەمينارعا كەلگەنىمە وتە قۋانىشتىمىن. بيزنەس قۇرۋ, ونى دامىتۋ, قاراجاتتى دۇرىس جۇمساۋ, بانكروتقا ۇشىراماۋ ادىستەرىن ۇيرەتتى, – دەگەن ويىمەن ءبولىستى كاسىپكەر ساۋلە بۋساحانوۆا.
ايەل كاسىپكەرلەردىڭ قاتىسۋىمەن وڭىردە قۇرىلىس, ءدارىگەرلىك قىزمەت كورسەتۋ, دەمالىس ايماقتارى, وزگە دە ءىرى سالالارمەن بىرگە ءۇي تۇرمىسىنا, ازىق-ت ۇلىككە, سونداي-اق ۇلتتىق ۇلگىدەگى بۇيىمدارعا قاتىستى كاسىپكەرلىك داميدى دەپ كۇتىلۋدە.
ماڭعىستاۋ وبلىسى
