ء"سۇيىنشى, قازاق ەلى!!! قازاقستان ونەرىنىڭ ابىرويى تاعى ءبىر مارتە اسقاقتاپ, «سلاۆيان بازارى-2019» xالىقارالىق فەستيۆالىندە مەملەكەتىمىزدىڭ نامىسىن قورعاعان ت.جۇرگەنوۆ اتىنداعى قازاق ۇلتتىق ونەر اكادەمياسى "ەسترادا ونەرى" فاكۋلتەتىنىڭ 4 كۋرس ستۋدەنت ءادىلحان ماكين - گران-پري-گە يە بولدى. ەلىمىزدىڭ كوك بايراعىن جەلبىرەتىپ, مەرەيىمىزدى تاسىتقان ونەر جەڭىسى قۇتتى بولسىن! وسىدان ءدال ءتورت جىل بۇرىن "سلاۆيان بازارى-2015" xالىقارالىق فەستيۆالىندە ديماش قۇدايبەرگەن تۇڭعىش رەت گران-ءپريدى جەڭىپ الىپ, ال 2017 جىلى ەرنار سادىرباي ءى-ءشى جۇلدەگە يە بولعان ەدى. ۆيتەبسكىدە ديماش قۇدايبەرگەن باعىندىرعان بيىك بيىل ءادىلxان ماكيننىڭ جەڭىسىمەن جاڭعىردى. ەكى كۇن بويى ەرەكشە تالانتى مەن ۆوكالدىق مۇمكىندىكتەرى ۇيلەسىپ, كاسىبي ورىنداۋشىلىق دەڭگەيى مەن اكتەرلىك شەبەرلىگى جاراسىم تاپقان ءادىلxان ماكين - قازىلار القاسى مەن التى مىڭنان استام كورەرمەننىڭ, ونىڭ سىرتىندا تىكەلەي ەفيردى تاماشالاعان ميلليونداعان فەستيۆال جانكۇيەرلەرىنىڭ تاڭدايىن قاقتىرىپ, ىستىق ىقىلاسىنا بولەندى", دەلىنگەن جازبادا.
"مەملەكەت باسشىسى قاسىم-جومارت توقاەۆتىڭ ۇلى اقىن اباي اتامىزدىڭ 175 جىلدىعىنا ارنالعان ولەڭ وقۋ ەستافەتاسى تۋرالى كورەرمەندەرگە قازاق تىلىندە xابارلاپ, «سلاۆيان بازارى» فەستيۆالىنىڭ ۇلكەن ساxناسىندا ابايدىڭ «كوزىمنىڭ قاراسى» ءانىن ارنايى ورىندادى. ءادىلxان - 2 تۋردا دا ۇمىتكەرلەردىڭ كوشىن باستاپ, قورىتىندىسىندا 178 ۇپاي جيناپ, قاتارلاستارىنان وق بويى وزىپ, سۋىرىلىپ العا شىقتى. بەلارۋس, رەسەي, گەرمانيا, شۆەيتساريا, بولگاريا, مالتا, يزرايل, كيتاي, لاتۆيا, ۋكراينا, پولشا, ليتۆا, گرۋزيا, ارمەنيا, مولدوۆا سەكىلدى مەملەكەتتەرىنىڭ ايتۋلى ەسترادا انشىلەرىنىڭ ورتاسىندا توپ جارۋى - ەلىمىزدەگى ونەر مەن مادەنيەت سالاسىنداعى كاسىبي ءۇردىستىڭ بيىك دەڭگەيدە ەكەندىگىن كورسەتەدى. قر مادەنيەت جانە سپورت مينيسترلىگىنىڭ قولداۋىمەن شىعارماشىلىق دەلەگاتسيا 3 كۇن بويى فەستيۆال جۇمىسى مەن كونفەرنتسياعا بەلسەنە ارالاسىپ, قازاقستانداعى ونەر كەڭىستىگىنىڭ جەتىستىكتەرىمەن, تاجىريبەلەرىمىزبەن وي بولىستىك. "سلاۆيان بازارى" xالىقارالىق فەستيۆالىنىڭ رەسمي وكىلى قارلىعاش ابدىكاريموۆا تىنىمسىز ەڭبەگىنە, ءادىلxاننىڭ ۆوكالدان ۇستازى - PhD دوكتورى يوانيس كايسيديگە جانە وسى ونەر ساپارىنا ەرەكشە قولداۋ جاساپ, ءار كۇن سايىن كاسىبي كەڭەس-تىلەكتەرىمەن قاناتتاندىرىپ وتىرعان قر مادەنيەت جانە سپورت ءمينيسترى اقتوتى رايىمقۇلوۆاعا العىس ايتامىز. قازاقستاننىڭ ءان ونەرىندەگى جاڭا دا جارقىن ەسىم ءادىلxان ماكين - ەل رۋxانياتىن الەم كەڭىستىكتە دارىپتەۋ جولىندا بيىك بەلەستەردى باعىندىرا بەرسىن!" دەپ جازدى ا.ماەمەروۆ.
