فورۋم جۇمىسىنا 250-دەن استام قوناق, سونداي-اق حالىقارالىق اۆياكومپانيالار مەن اۋەجايلاردىڭ توپ مەنەدجەرلەرى, مەملەكەتتىك ورگانداردىڭ ءبىرىنشى باسشىلارى مەن سالا ۇيىمدارىنىڭ وكىلدەرى قاتىسۋدا.
«جۋىردا عانا ءبىز ەلوردادان ۇلان-باتىر, توكيوعا تىكەلەي اۋە رەيسىن اشتىق. الداعى ۋاقىتتا تاعى دا نيۋ-يورك, سينگاپۋر, بەيجىڭ (شانحاي) قالالارىنا تىكەلەي اۋە رەيسىن اشۋ جوسپاردا بار. ءبىز وسى سەكىلدى 98 حالىقارالىق اۋە رەيسىن ازىرلەدىك. بۇگىنگى فورۋمعا كوپتەگەن حالىقارالىق اۋە كومپانيالاردىڭ باسشىلارى قاتىسۋدا جانە ولار قازاقستاندا جۇمىس ىستەۋگە نيەتتى. وسى تۇرعىدا ءبىز اشىق ديالوگ قۇرىپ, سەرىكتەستىكتە قىزمەت ەتۋگە دايىنبىز », - دەدى قر يندۋستريا جانە ينفراقۇرىلىمدىق دامۋ ۆيتسە-ءمينيسترى بەرىك قاماليەۆ.
ۆيتسە-ءمينيستردىڭ مالىمدەۋىنشە, 90 جىلدارى اۋە قاتىناسىن قولدانۋشىلار سانى 800 مىڭ ادام بولسا, بۇگىندە بۇل كورسەتكىش 8 ملن-عا جەتىپ 45 پايىزعا ارتىپ وتىر.
ودان بولەك, فورۋمعا قاتىسۋشىلارعا قالا اكىمىنىڭ ورىنباسارى باحتيار ماكەنوۆ قاتىسىپ, ءوز كەزەگىندە اتالعان شارانىڭ وتاندىق اۋە نارىقتىڭ دامۋىنا ۇلەس قوساتىنىن ايتا كەلە ۇيىمداستىرۋشىلارعا العىسىن ءبىلدىردى.
Routes Silk Road 2019 - بۇل تمد, ورتالىق جانە شىعىس ەۋروپا, تاياۋ شىعىس جانە ورتالىق ازيا ەلدەرى ءۇشىن اۋە باعىتتارىن دامىتۋ بويىنشا بىرەگەي فورۋم. ونىڭ الاڭىندا تىكەلەي اۋە باعىتتاۋلارىن قۇرۋ, اۆياسەرۆيس دەڭگەيىن ارتتىرۋ, سونداي-اق تۋريزم سالاسىنداعى قىزمەتتى جۇزەگە اسىراتىن اۆياكومپانيالار, اۋەجايلار مەن ۇيىمدار وكىلدەرىنىڭ اراسىندا بايلانىستار ورناتۋ جانە تاجىريبە الماسۋ سياقتى ماسەلەلەر شەشىلەتىن بولادى دەپ كۇتىلۋدە.
سونىمەن قاتار, 3 كۇندىك ءىس-شارا باعدارلاماسىندا-فورۋم, كورمەلەر جانە كاسىپكەرلەردىڭ ۆ2ۆ فورماتىنداعى جەكە كەزدەسۋلەرى جوسپارلانعان.
