«2019 جىلدىڭ ءى جارتىجىلدىعىنىڭ قورىتىندىسى بويىنشا, قورمەن كەلىسىمشارت جاساعان قالاداعى مەديتسينالىق قىزمەت كورسەتۋشى ۇيىمدارعا 50,4 ملرد تەڭگە تولەندى. بۇل جالپى كەپىلدەندىرىلگەن مەديتسينالىق كومەك پاكەتى شەڭبەرىندە بەكىتىلگەن كەلىسىمشارت سوماسىنىڭ 52,5 پايىزىن قۇرايدى», - دەيدى مسق نۇر-سۇلتان قالاسى بويىنشا فيليالىنىڭ ديرەكتورى نۇرلىبەك قابدىقاپاروۆ.
2019 جىلى مسق كەپىلدەندىرىلگەن كومەك تۇرلەرىن كورسەتۋگە ۇسىنىس بەرگەن مەديتسينا ۇيىمدارىمەن جاسالعان كەلىسىمشارتتاردىڭ جالپى سوماسى 96 ملرد تەڭگەنى قۇرايدى.
فيليال باسشىسىنىڭ ايتۋىنشا, جۇمىس كەستەگە ساي ءجۇرىپ جاتىر, بولىنگەن قاراجات مەديتسينا مەكەمەلەرىنىڭ وپەراتسيالىق شىعىندارىن وتەۋگە جەتكىلىكتى.
بيىلعى جىلى مەملەكەتتىك تاپسىرىس اياسىندا ەلوردالىقتارعا 95 مەديتسينالىق ۇيىم قىزمەت كورسەتۋدە. ولاردىڭ ىشىندە 60 جەكەمەنشىك كلينيكا دا بار. 2018 جىلمەن سالىستىرعاندا, بيىل جەكەمەنشىك كلينيكالار سانى 12-گە ارتىپ وتىر.
ەستەرىڭىزگە سالا كەتسەك, مەديتسينالىق ساقتاندىرۋ قورى 2018 جىلدان باستاپ تەگىن مەديتسينالىق كومەكتىڭ كەپىلدىك بەرىلگەن كولەمى (تمككك) جانە مىندەتتى الەۋمەتتىك مەديتسينالىق ساقتاندىرۋ ء(مامس) پاكەتتەرى بويىنشا ۇكىمەت بەلگىلەگەن شەڭبەردە تۇرعىندار ءۇشىن قىزمەتتەردى ساتىپ الۋشى قارجى وپەراتورى بولىپ تابىلادى. ياعني, حالىققا كورسەتىلەتىن مەديتسينالىق قىزمەت ساپاسى – قور باقىلاۋىندا.
