اۋدان اكىمى باۋىرجان قانيەۆ ەلباسىنىڭ «بولاشاققا باعدار: رۋحاني جاڭعىرۋ», « ۇلى دالانىڭ جەتى قىرى» باعدارلامالىق ماقالالارىندا كورسەتىلگەن مىندەتتەر كەنجە قالعان داستۇرلەردى جاڭعىرتۋعا ارنالعاندىعىن ايتىپ, ءمانى زور شارانى ۇيىمداستىرۋشىلارعا العىسىن ءبىلدىردى.
«مەرەيلى وتباسى» ۇلتتىق بايقاۋىنىڭ اۋداندىق كەزەڭىندەگى جەڭىمپازدارى وسى مەرەكەدە اۋدان اكىمى ب.قانيەۆتىڭ قولىنان العىس حاتتار مەن سىيلىقتار الدى. ەلگە بەلگىلى ەڭبەك ارداگەرلەرىنەن قۇرالعان ادىلقازىلار باعاسىن بەرۋ ءۇشىن قاز-قاتار تىگىلگەن شاتىرلار سورەلەرىندەگى قىمىزداردان اۋىز ءتيدى. ءار اۋىلدان كەلگەن قىمىز ازىرلەۋشىلەر ءبىر-بىرىمەن قىمىزدى باپتاۋ بارىسىنداعى تاجىريبەلەرىمەن ءبولىستى.
وتكەن جىلى وبلىستىق دەڭگەيدە تۇڭعىش وتكەن وسى مەرەكەدە ءبىرىنشى ورىن العان شەتىرعىز اۋىلدىق وكرۋگىنىڭ تۇرعىنى قايرات جۇماعاليەۆ بۇل جولى دا قىمىزدارىن الا كەلىپتى.
– وتكەن جىلى «دامۋ» قورى ارقىلى 3 ملن تەڭگە قارجىعا 8 باس بيە ساتىپ الىپ, قازىر سولاردان قىمىز ساۋىپ وتىرمىن. بۇگىندە شارۋالار مالدىڭ سانىنا ەمەس, ودان ساپالى ءونىم الۋعا بەت بۇردى. سونىڭ ىشىندە جىلقىنىڭ قىمىزى مەن تۇيەنىڭ شۇباتىنا سۇرانىس جوعارى. ال قىمىزدى دايىنداۋدىڭ تاسىلدەرىنە دەن قويماساڭ, جاقسى ءونىم شىقپايدى. ءبىز سوعان كوپ كوڭىل ءبولەمىز, ەڭبەگىمىزگە قاراي ءناتيجەسى دە جامان ەمەس, – دەيدى اۋىلىنىڭ ءۇمىتىن ارقالاپ كەلگەن قايرات.
ايتۋلى كۇنگە ارنالىپ تىگىلگەن اقشاڭقاڭ كيىز ۇيلەردە قوناقتارعا ارنالىپ اس بەرىلدى. ارداگەرلەر: «وسكەلەڭ ۇرپاققا بەرەرى مول مۇنداي شارالاردىڭ جالعاسى ءاردايىم بولۋى ءتيىس», – دەپ ۇيىمداستىرۋشىلارعا العىستارىن ءبىلدىردى. اۋداندا تۇڭعىش وتكىزىلگەن قىمىزمۇرىندىق مەرەكەسىندە جاڭاقونىس اۋىلدىق وكرۋگىنەن ۇسىنىلعان قىمىزدىڭ ءدامى ءتىل ۇيىرەتىندەردىڭ قاتارىنان تابىلىپ, ءى ورىندى يەلەندى. ءجۇلدەلى ءىى, ءىىى ورىنداردى ايشۋاق, بەرشۇگىر اۋىلدىق وكرۋگتەرىنەن كەلگەن شارۋالار جەڭىپ الدى. جۇلدەگەرلەرگە اۋدان باسشىسىنىڭ اتىنان العىس حاتتار مەن سىيلىقتار تابىستالدى. وزگە دە بارلىق قاتىسۋشىلارعا ىنتالاندىرۋ سىيلىقتارى بەرىلدى.
