ساياسات • 15 شىلدە، 2019

الەۋمەتتىك ساياسات تۇسىندىرىلۋدە

128 رەتكورسەتىلدى

پارلامەنت دەپۋتاتتارىنىڭ ايماقتاردا سايلاۋشىلارمەن كەزدەسۋلەرىندە مەملەكەت باسشىسى قاسىم-جومارت توقاەۆتىڭ الەۋمەتتىك سالا بويىنشا تاپسىرمالارى كەڭىنەن تۇسىندىرىلۋدە، دەپ حابارلادى پارلامەنت سەناتى جانە ءماجىلىسىنىڭ ءباسپاسوز قىزمەتى.

سەنات دەپۋتاتى رىسقالي ابدىكەروۆ ساتباەۆ قالاسىندا بولىپ، الەۋمەتتىك ماڭىزى بار بىرقاتار نىسانداردى ارالادى. سەناتور قالانىڭ ونەركاسىپ ايماعىندا ورنالاسقان قۇس فابريكاسىنىڭ جۇمىسىن كورىپ،  كاسىپورىننىڭ ەڭبەك ۇجىمىمەن كەزدەستى.

سونداي-اق جەرگىلىكتى پوليتسيا باسقارماسىندا قۇقىق قورعاۋ ورگاندارىنىڭ قىزمەتكەرلەرىمەن كەزدەستى. باسقوسۋدا مەملەكەت ساياساتىنىڭ ماڭىزدى باعىتتارىن تۇسىندىرە كەلىپ وڭىردەگى ەلدى مەكەندەردىڭ قاۋىپسىزدىگىن كۇشەيتۋدىڭ ماڭىزدىلىعىنا نازار اۋداردى.

* * *

سەناتتىڭ الەۋمەتتىك-مادەني دامۋ جانە عىلىم كوميتەتىنىڭ مۇشەسى دينار نوكەتاەۆا الماتى قالاسىنداعى جۇمىس ساپارى اياسىندا بالالاردى ساۋىقتىرۋ سالاسىنداعى بىرقاتار ورتالىقتاردا بولدى.

د.نوكەتاەۆا «سالەم» ساۋىقتىرۋ لاگەرى بولعان كەزدە ەلىمىزدىڭ تۇكپىر-تۇكپىرىنەن كەلگەن بالالارمەن اڭگىمەلەسىپ، ءار بالانىڭ جاعدايىنا نازار اۋداردى جانە ولاردىڭ لاگەردەگى جاعدايدى جاقسارتۋ جونىندەگى تىلەك-نيەتتەرىن سۇرادى. دەپۋتات ساۋىقتىرۋ ورتالىقتارىنداعى بالالاردىڭ جازعى دەمالىسىن ۇيىمداستىرۋ جونىندە بىرنەشە ەسكەرتۋلەر ايتىپ، ولاردى قىسقا مەرزىمدە تۇزەتۋ قاجەتتىگىن جەتكىزدى.

* * *

سەنات دەپۋتاتتارى جەڭىس نۇرعاليەۆ پەن سەرىك بەكتۇرعانوۆ قوستاناي وبلىستىق ءماسليحاتىنىڭ دەپۋتاتتارىمەن كەزدەستى جانە ءماسليحاتتىڭ كەزەكتەن تىس سەسسياسىنا قاتىستى.

سەسسيا بارىسىنداعى كەزدەسۋلەردە ءوڭىردىڭ الەۋمەتتىك-ەكونوميكالىق دامۋ كەلەشەگى، تۇرعىنداردىڭ ءال-اۋقاتى، جەرگىلىكتى دەپۋتاتتاردىڭ جۇمىسىنا قارقىن بەرۋ ماسەلەلەرى تالقىلاندى. دەپۋتاتتار، سونداي-اق تۇرعىنداردى 2019-2021 جىلدارعا ارنالعان بيۋدجەتكە كەيىنگى وزگەرىستەر تۋرالى حاباردار ەتتى.

* * *

ءمəجىلىس دەپۋتاتتارى گلەب ششەگەلسكي، باقتىقوجا ىزمۇحامبەتوۆ، ولگا شيشيگينا، اباي تاسبولاتوۆ، قۇرالاي قاراكەن جانە دانيا ەسپاەۆا اقتوبە وبلىسىندا ەكى جىل بۇرىن ىسكە قوسىلعان قازاقستان مۇناي جابدىقتارى زاۋىتىنىڭ جۇمىسىمەن تانىستى.

بۇل – ۇلكەن كولەمدەگى ينۆەستيتسيا تارتىلعان جوعارى تەحنولوگيالىق ءوندىرىس. زاۋىت قىتاي حالىق رەسپۋبليكاسىمەن اراداعى وندىرىستىك قارىم-قاتىناستىڭ جاقسارۋىنا، سونداي-اق مۇناي وندىرۋگە وزىندىك يگى ىقپالىن تيگىزەدى دەپ كۇتىلۋدە. ويتكەنى بۇرىن شەگەندەۋ قۇبىرلارى مەن مۇناي جابدىقتارى نەگىزىنەن جاپونيادان، قىتايدان، رەسەيدەن الىنىپ كەلگەن.

* * *

ءماجىلىس دەپۋتاتتارى مۇحتار ەرمان، پاۆەل كازانتسەۆ جانە سنەجاننا يماشەۆا نۇر-سۇلتان قالاسىنداعى قۇرىلىس ماتەريالدارىن شىعاراتىن زاۋىت «ەكوتون+» اق-نا باردى.

بۇل نىسان 2004 جىلى ىسكە قوسىلعان. قازىرگى ۋاقىتتا كومپانيا جوبالىق قۋاتى 200 مىڭ تەكشە مەتر بولاتىن استانا جانە اقتوبە قالالارىنداعى ەكى زاۋىتتا گازدالعان بەتون وندىرۋمەن اينالىسادى. ءوندىرىستىڭ جالپى قۋاتى جىلىنا شامامەن 400 مىڭ تەكشە مەتردى قۇرايدى.             

كاسىپورىننىڭ ەڭبەك ۇجىمىمەن كەزدەسۋى بارىسىندا دەپۋتاتتارعا جۇمىسشىلار وزدەرىن تولعاندىرعان بىرقاتار سۇراق قويدى. اتاپ ايتقاندا، جول قۇرىلىسى، ەلەكتر ەنەرگياسىن تۇتىنۋ ءۇشىن تۇنگى ءتاريفتى قايتارۋ جانە يپوتەكالىق قارىزداردى قايتا قۇرىلىمداۋ سياقتى ماسەلەلەر قوزعالدى.

دەپۋتاتتار اتالعان ماسەلەلەردىڭ مۇقيات زەرتتەلىپ، نازارلارىنا الاتىنىن جەتكىزدى.

* * *

ءماجىلىس دەپۋتاتى نۇرتاي سابيليانوۆ شىعىس قازاقستان وبلىسىندا سايلاۋشىلارمەن كەزدەسۋلەر وتكىزۋدە.

دەپۋتات جارما اۋدانىنىڭ كوشەك، قالباتاۋ، قاپاي باتىر، بەستەرەك، ارشالى اۋىلدارىنا جانە شار قالاسىنا، اياگوز اۋدانىنىڭ مالتۇگەل، تارباعاتاي، اقتۇبەك، اقشي، قاراعاش، قاراجال، اقشاتاۋ، مامىرسۋ اۋىلدارىنا جانە اياگوز قالاسىنا باردى.

وندا دەپۋتات تۇرعىندارعا مەملەكەت باسشىسىنىڭ ءادىل الەۋمەتتىك ساياساتتى بەلسەندى جالعاستىرۋ تۋرالى تاپسىرماسىنىڭ، مەملەكەتتىك جانە ۇكىمەتتىك باعدارلامالاردىڭ جۇزەگە اسىرىلۋ بارىسى تۋرالى، پارلامەنت ءماجىلىسىنىڭ VI شاقىرىلىمنىڭ ءتورتىنشى سەسسياسىنداعى پارلامەنت دەپۋتاتتارىنىڭ زاڭ شىعارۋ قىزمەتىنىڭ ناتيجەسى جونىندە ايتتى.

شىعىس قازاقستان وبلىسىنىڭ تۇرعىندارى ءوز كەزەگىندە اۋىلدىق ەلدى مەكەندەردى ورتالىقتاندىرىلعان سۋمەن جابدىقتاۋ، اۆتوجولداردى جوندەۋ قاجەتتىلىگى، مەملەكەتتىك اتاۋلى الەۋمەتتىك كومەك، زەينەتكەرلىك جاستى تومەندەتۋ، شاعىن جيناقتى مەكتەپتەر، اگروونەركاسىپتىك كەشەندى دامىتۋ، اۋىلدىق ەلدى مەكەندەرگە ينتەرنەت، ۇيالى بايلانىس وتكىزۋ جانە باسقا دا ماسەلەلەردى كوتەردى.

* * *

ءماجىلىس دەپۋتاتتارى، قازاقستان حالقى اسسامبلەياسى دەپۋتاتتىق توبى جانە حالىق كوممۋنيستەر فراكتسياسىنىڭ مۇشەلەرى ايماقتارداعى سايلاۋشىلارمەن كەزدەسۋدە.

قوستاناي وبلىسىندا ءماجىلىس دەپۋتاتتارى ماگەررام ماگەرراموۆ پەن نارينە ميكاەليان قوستاناي وبلىستىق سوتىنىڭ جانە پوليتسيا ءبولىمىنىڭ قىزمەتكەرلەرىمەن كەزدەسىپ، وبلىس ورتالىعىنداعى قحا-نىڭ دوستىق ۇيىندە بولدى.

دەپۋتاتتار ازاماتتاردى قابىلداۋ كەزىندە قوستاناي قالاسىنىڭ تۇرعىندارى قويعان كوپتەگەن سۇراققا جاۋاپ بەرىپ، بىرقاتار ماسەلەنى مەملەكەتتىك ورگاندارعا جولدادى.

سوڭعى جاڭالىقتار

الماتى: جولاۋشىلار اعىنى مەن كولىك سانى ازايدى

وڭتۇستىك قازاقستان • بۇگىن، 18:10

بەتپەردە كيگەن كوكتەم - 6

قوعام • بۇگىن، 17:09

د دارۋمەنى - ينفەكتسيالاردىڭ «جاۋى»

كوروناۆيرۋس • بۇگىن، 16:47

شىمكەنت: تسيفرلى وتباسىنىڭ ءبىر كۇنى

وڭتۇستىك قازاقستان • بۇگىن، 15:58

ازيانىڭ احۋالى قانداي بولماق

ەكونوميكا • بۇگىن، 15:23

ۇقساس جاڭالىقتار