14 شىلدە، 2019

اباي تويىنا دايىندىقتى اقىرىنداپ باستاپ جاتىرمىز

386 رەت كورسەتىلدى

اقىن دۇنيەگە كەلگەن، كىندىگى كەسىلگەن سىرت قاسقابۇلاق دەگەن جەر بار. سول جەردى قورشاپ، سوندا اپاراتىن جولدى كوتەرىپ، بيىكتەتسەك دەيمىز.


جاقىندا اباي اۋدانىنا جۇمىس ساپارىمەن بارعانىمىزدا اۋدان اكىمى جارقىنبەك بايسابىروۆپەن از-كەم سۇحبات قۇرعان ەدىك.


جارقىنبەك بوراش ۇلى، الدا ۇلكەن مەرەيتوي كەلە جاتىر. 2020 جىلى ۇلى ابايدىڭ 175 جىلدىعى. ءدۇبىرلى تويعا دايىندىقتارىڭىز قالاي؟

ۇلكەن تويعا شامامىز كەلگەنشە دايىندالىپ جاتقان جايىمىز بار. اۋدان ورتالىعى – قاراۋىلداعى اباي جانە ەرالى كوشەلەرىنىڭ جارىقتارىن اۋىستىرىپ، ەلەكتر ۇنەمدەگىش شامدار ورناتىپ جاتىرمىز. سونىمەن قاتار قازىر جەڭىس ساياباعى جوندەلىپ، جاڭعىرتىلىپ جاتىر. اباي ەلىنەن جانعازى مولداعاليەۆ، سەرىكقازى بەكبوسىنوۆ، زاكاريا بەلىباەۆ سىندى 3 بىردەي كەڭەس وداعىنىڭ باتىرى مەن بايان بايعوجينا سەكىلدى سۇرمەرگەن شىققان.

 ساياباققا وسى 4 باتىردىڭ كەۋدە ءمۇسىنىن قويدىق. وسى ساياباقتاعى بوزداقتار تىزىمىندە بۇعان دەيىن ۇلى وتان سوعىسىنا قاتىسقان 556 قاراۋىلدىقتىڭ ەسىمى جازىلسا، ءبىز وسىنى تولىقتىرىپ، مايدانعا اتتانعان بۇكىل ابايلىق (ۇزىن-سانى 1500-دەن استام) ازاماتتاردىڭ ەسىمىن قاشاپ جازدىردىق.

  ۇلى ابايدىڭ 175 جىلدىعىنا قاتىستى ۇسىنىستارىمىزدى وبلىسقا بەردىك. اقىن دۇنيەگە كەلگەن، كىندىگى كەسىلگەن سىرت قاسقابۇلاق دەگەن جەر بار. سول جەردى قورشاپ، سوندا اپاراتىن جولدى كوتەرىپ، بيىكتەتسەك دەيمىز. وسكەنباي مەن قۇنانباي ۇرپاقتارى جەرلەنگەن اقشوقىداعى قۇنانباي قورىمىن قورشاپ، زيارات ەتۋشىلەرگە ارناپ ورىندىقتار قويۋ دا ويىمىزدا بار. وسى ەكى جوباعا وبلىس تاراپىنان ءتيىستى قولداۋ كورسەتىلەدى دەپ سەنەمىز.

اباي اۋىل شارۋاشىلىعى دامىعان اۋدان عوي. قار از تۇسەدى. قىسى جايلى دەگەندەي. وسى مۇمكىندىكتى قالاي پايدالانىپ جاتىرسىزدار؟

ونىڭىز راس. ابايدا ت ۇلىك اتاۋلى كوبىنە جايىلىمدا جۇرەدى. سودان دا بولار، اۋداندا بۇعان  دەيىن تاۋارلى ءسۇت فەرماسى بولماعان ەكەن.  قۋات وزبەحانوۆ دەگەن جىگىت وسى ىسكە بىلەك سىبانا كىرىسىپ، 80 باس سيممەنتال تۇقىمدى سيىر ساتىپ الىپ، قازىر سولاردى ساۋىپ، اۋدانداعى بۇكىل مەكتەپ، بالاباقشا، اۋرۋحانا مەن ينتەرناتتاردى تابيعي  تازا سۇتپەن قامتاماسىز ەتىپ وتىر. سونىمەن قاتار كىلەگەي، ايران ونىمدەرىن دە شىعارىپ جاتىر. ورايى كەلگەندە ايتا كەتەيىن، بۇگىندە جەرگىلىكتى بيۋدجەتتەن قارجى ءبولدىرىپ، اۋدان مەكتەپتەرىندەگى وقۋشىلاردىڭ بارلىعىنا 20 گراممنان بال بەرىپ وتىرمىز. 

بىلتىر شاكارىم بابامىزدىڭ 160 جىلدىعىندا اۋدان ورتالىعىندا وبلىس اكىمى دانيال احمەتوۆتىڭ تىكەلەي قولداۋىمەن باسسەين اشىلعان بولاتىن. باسسەين قازىر جاقسى جۇمىس ىستەپ تۇر. بيىل العاش رەت جارىس وتكىزدىك.

كيەلى ورىندار تىزىمىنە ەنگەن قوڭىر اۋليە ۇڭگىرىنە جارىق تارتىلادى دەپ ەستىدىك.

ءيا، قازىر قوڭىر اۋليە ۇڭگىرىنىڭ باسىندا قوناق ءۇي سالىنىپ، جارىق تارتىلىپ جاتىر. جارىق تارتۋ ءۇشىن وبلىستىق بيۋدجەتتەن ارنايى قارجى ءبولىندى. جارىق جول بويىنداعى بەس شارۋا قوجالىعىن دا قامتيتىن بولادى. بۇل وبلىس اكىمىنىڭ اباي ەلىنە جاساعان ۇلكەن كومەگى دەپ ەسەپتەيمىز.

«ماقسۇت» كەن ورنى اباي اۋدانىندا ورنالاسقانى بەلگىلى. كاسىپورىن بيزنەستىڭ الەۋمەتتىك جاۋاپكەرشىلىگى اياسىندا اۋدانعا كومەكتەسىپ تۇرا ما؟

قازىر ابايداعى كوللەدج ستۋدەنتتەرىن كەن ورنىنا جۇمىسقا ورنالاستىرۋ جاعىنا كۇش سالىپ جاتىرمىز. كوللەدجدە كەن ورنىنا قاجەت مامانداردى دايارلاۋعا باسا نازار اۋدارىلۋدا. بۇل تاراپتا كەن ورنى باسشىلىعىمەن ءتيىستى كەلىسسوزدەر جۇرگىزدىك.

بىلۋىمىزشە، اباي اۋدانىندا تەك كەڭگىرباي بي اۋىلىندا عانا مادەنيەت ءۇيى جوق ەكەن.

نەگىزى بۇرىن بولعان عوي. كەڭەس ۇكىمەتى تاراعان كەزدە بۇزىپ الىپ كەتكەن. بۇل جاڭا مادەنيەت ءۇيى دە تىكەلەي وبلىس اكىمىنىڭ قولداۋىمەن سالىنىپ جاتىر.  

بۇعان وبلىستىق بيۋدجەتتەن 200 ميلليون تەڭگەدەن استام قارجى ءبولىندى. قازىر نىساننىڭ قۇرىلىسى اياقتالۋعا جاقىن.



سوڭعى جاڭالىقتار

اسىل اعانىڭ شاراپاتى

رۋحانيات • كەشە

قۇيماقۇلاق

رۋحانيات • 26 قازان، 2021

قوعامنىڭ بىتەۋ جاراسى

قوعام • 26 قازان، 2021

گاز باعاسى نەگە قىمبات؟

ايماقتار • 26 قازان، 2021

فرانتسيا تىزگىنى ءۇشىن تايتالاس

ساياسات • 26 قازان، 2021

ەربوسىن ۇلىن اۋىر سىناق كۇتىپ تۇر

كاسىپقوي بوكس • 26 قازان، 2021

ۇقساس جاڭالىقتار