سپورت • 14 شىلدە، 2019

يتاليادا وتكەن ۋنيۆەريادادا قازاقستان قۇراماسى 7 مەدال يەلەندى

138 رەت كورسەتىلدى

بۇگىن يتاليانىڭ نەاپول قالاسىندا حالىقارالىق ۋنيۆەرسيادا-2019 جارىسىنىڭ جابىلۋ سالتاناتى بولادى. قازاقستان قۇراماسى جالپى ەسەپتە جەتى مەدالمەن 25-ءشى ورىندى قاناعات تۇتتى.

ۋنيۆەرسيادادا 94 سپورتشى قازاقستان قۇراماسىنىڭ نامىسىن قورعادى. جالعىز "التىندى" دزيۋدوشى عالىمجان قىرىقباي يەلەندى. ول ابسوليۋت سالماق دارەجەسىندە قارسىلاس شاق كەلتىرمەدى. 

قازاقستاندىقتار بەس رەت تۇعىردىڭ ەكىنشى ساتىسىنا شىقتى. گيمناست ناريمان قۇربانوۆ پەن ميلاد كاريمي، جەڭىل اتلەت ميحايل ليتۆين، تاەكۆوندوشى سمايىل دۇيسەباي (87 كەلىگە دەيىنگى سالماقتا) جانە زويا كراۆچەنكو (ستەندتىك اتۋ). 

سارسەنكۇل رىسبەكوۆا (ستەندتىك اتۋ) قولا مەدال يەلەندى. ءبىرىنشى ورىندا - جاپونيا قۇراماسى (33 التىن، 24 كۇمىس جانە 28 قولا مەدال). ەكىنشى ورىندا رەسەي - 22، 24، 36. ءۇشىنشى ورىندا قىتاي - 22، 13، 8. 

ايتا كەتەيىك، وسىعان دەيىنگى وتكەن ۋنيۆەرسيادادا (تايبەي-2017) قازاقستاندىق سپورتشىلار ءۇش التىن، التى كۇمىس جانە جەتى قولا جەڭىپ العان بولاتىن. 

2015 جىلى كۆاندجۋدا وتكەن جارىستا التى التىن الىپ، قازاقستاندىق سپورتشىلار ەڭ ۇزدىك ناتيجە كورسەتكەن ەدى. 


سوڭعى جاڭالىقتار

اتىراۋ وبلىسىندا 77 براكونەر انىقتالدى

ايماقتار • 23 قىركۇيەك، 2022

نوۆاك دجوكوۆيچ قازاقستانعا كەلەدى

تەننيس • 23 قىركۇيەك، 2022

اتىراۋدا قوناقۇيدەن ءورت شىقتى

وقيعا • 23 قىركۇيەك، 2022

ۇقساس جاڭالىقتار