كەزدەسۋ بارىسىندا ايماق باسشىسىنا باسقارما توراعاسى س.سارسەنوۆ «قازپوشتا» اق تاراپىنان اتقارىلىپ جاتقان جۇمىستارعا توقتالىپ, بىرقاتار جوبانى تانىستىرىپ ءوتتى. سونىمەن قاتار باسقارما توراعاسى تسيفرلاندىرۋ سالاسى بويىنشا اقتوبە وبلىسىنىڭ رەسپۋبليكا كولەمىندە كوشباسىندا تۇرعانىن اتاپ ءوتتى.
اتاپ وتسەك, الداعى ۋاقىتتا «قازپوشتا» تاراپىنان تسيفرلاندىرۋ سالاسىندا قىزمەت الۋ, اقتوبە قالاسىنىڭ تۇرعىندارىنا ارنالعان بىرىڭعاي الەۋمەتتىك كارتانى ىسكە قوسۋ, كسك جۇمىسىن اۆتوماتتاندىرۋ, ەلەكتروندىق ساۋدا جۇرگىزۋ جوبالارى جانداندىرىلادى.
- قازىرگى تاڭدا وبلىس كولەمىندە «قازپوشتا» قىزمەتىنىڭ جاقسى جولعا قويىلعانىن بايقاپ وتىرمىن. ءوزىم دە ءىسساپار بارىسىندا كورىپ-ءبىلىپ ءجۇرمىن. شالعاي اۋىلدارداعى تۇرعىنداردىڭ كوپتەگەن الەۋمەتتىك پروبلەماسى, كۇندەلىكتى تۇرمىستىق باعىتتاعى جۇمىستارى وسى كومپانيامەن شەشىلىپ وتىرعانى قۋانتادى. تۇرعىنداردىڭ باسىم كوپشىلىگى «قازپوشتانىڭ» جۇمىسىن جاقسى پايدالانىپ وتىر. الداعى ۋاقىتتا ەكىجاقتى ارىپتەستىكتى ودان ءارى نىعايتىپ, بىرلەسىپ جۇمىس ىستەيتىن بولامىز», - دەدى ايماق باسشىسى.
جيىن سوڭىندا وبلىس اكىمى و.ورازالين «قازپوشتا» باسشىلىعىنىڭ ۇسىنىستارىنا تولىقتاي قولداۋ كورسەتىلەتىنىن ايتىپ, قالا اكىمى ماۆر ابدۋللينگە جانە ءتيىستى مەكەمەلەردىڭ باسشىلارىنا ناقتى تاپسىرمالار بەردى.
