التاي كولگىنوۆ "جاعالاۋ-3" تك (ا-ج بلوكتارى), سىعاناق كوشەسى, قورعالجىن تاس جولىنىڭ وڭتۇستىگىنە قاراي ورنالاسقان "جاعالاۋ-4" تك قۇرىلىسى ورنىندا بولدى, سونداي-اق تۇران داڭعىلىنىڭ باتىسىنا قاراي سىعاناق كوشەسى (جوبالاناتىن) بويىنداعى سالىنىپ جاتقان "شىعىس" تك ماسەلەلەرىمەن تانىستى. بۇل تۇرعىن ۇيلەردە 1500-دەن استام ۇلەسكەر ءوز پاتەرلەرىن كۇتىپ ءجۇر. كەزدەسۋ بارىسىندا ولار قۇرىلىستىڭ سوزىلۋىنا قاتىستى نارازىلىقتارىن ءبىلدىردى. ۇلەسكەرلەرمەن اڭگىمەلەسە كەلە, اكىم ءوز تاراپىنان اكىمدىك نىسانداردى تاپسىرۋدىڭ بەكىتىلگەن مەرزىمى ورىندالۋى ءۇشىن بارلىق شارالاردى قولداناتىنىن اتاپ ءوتتى. سونىمەن قاتار, ول قۇرىلىس سالۋشىلار ءوز قاراجاتىن ۇيلەرگە سالعان ادامداردىڭ سەنىمىن اقتاماعانىن, ولار ۇزاق جىلدار بويى قۇرىلىسى اياقتالماعان, سونداي-اق كوپتەگەن كەمشىلىگى بار ەكەنىن اتاپ ءوتتى.
"قۇرىلىستى سالۋشىلار ۇلەسكەرلەردىڭ اقشاسىن پايدالانا وتىرىپ, ءۇي سالۋ مىندەتىن ءوز موينىنا الدى, بىراق ادامداردىڭ سەنىمىن اقتامادى. مۇنداي تەرىس پيعىلدى ادامدارمەن الداعى ۋاقىتتا جۇمىس ىستەمەيتىن بولامىز. ەندى اتالمىش ماسەلەنى ءوز كۇشىمىزبەن جەتكىزەتىن بولامىز. ەڭ باستىسى قۇرىلىس جۇمىستارىن جۇرگىزۋ ءۇشىن مەملەكەتتىك قاراجات ءبولىندى. قۇرىلىستى اياقتاۋ جانە ۇلەسكەرلەردىڭ ۇزاققا سوزىلعان ماسەلەلەرىن تۇپكىلىكتى شەشۋ پروتسەسىن باقىلاۋدا ۇستايمىز", - دەدى اكىم.
